അവതാരകയും ഗായികയുമായ ജാഗീ ജോണ്‍ ദുരൂഹസാഹചര്യത്തില്‍ മരിച്ച നിലയില്‍

അവതാരകയും ഗായികയുമായ ജാഗീ ജോണ്‍ ദുരൂഹസാഹചര്യത്തില്‍ മരിച്ച നിലയില്‍. തിരുവനന്തപുരം കുറവന്‍കോണത്തെ വീട്ടിലെ അടുക്കളയിലാണ് ജാഗീ ജോണിനെ മരിച്ച നിലയില്‍ കണ്ടെത്തിയത്. അമ്മയുടെ കൂടെ കുറവന്‍കോണത്തെ വീട്ടിലായിരുന്നു ജാഗീ താമസിച്ചിരുന്നത്.

പേരൂര്‍ക്കട പൊലീസും ഫോറന്‍സിക് വിദഗ്ധരും സംഭവസ്ഥലത്തെത്തി തെളിവെടുപ്പ് നടത്തി. അയല്‍വാസികള്‍ വിവരം അറിയിച്ചതിനെതുടര്‍ന്നാണ് പൊലീസ് എത്തിയത്. മോഡലിംഗ് രംഗത്തും നിരവധി പാചകപരിപാടികളിലും സജീവമായിരുന്നു ജാഗീ ജോണ്‍.