പരിശീലനത്തിനിടെ അപകടം ; മലയാളി ഉള്‍പ്പടെ രണ്ട് സൈനികര്‍ മരിച്ചു

പൂനെ മിലിട്ടറി എജിനീയറിംഗ് കോളജില്‍ ബെയ്‌ലി പാലം നിര്‍മിക്കാനുള്ള പരിശീലനത്തിനിടെ മലയാളി ഉള്‍പ്പടെ രണ്ട് സൈനികര്‍ മരിച്ചു. പാലക്കാട് കുന്നത്തുര്‍ സ്വദേശി ലാന്‍സ് ഹവില്‍ദാര്‍ പി കെ സജീവനാണ് മരിച്ച മലയാളി. നായ്ക് വാഗ് മോടെയാണ് അപകടത്തില്‍ മരിച്ച മറ്റൊരു സൈനികന്‍.

അപകടത്തില്‍ ഗുരുതരമായി പരുക്കേറ്റ അഞ്ച് സൈനികര്‍ മിലിറ്ററി ആശുപത്രിയില്‍ ചികിത്സയിലാണ്. ബെയ്‌ലി പാലം നിര്‍മിക്കുന്നതിനിടെ ഒരു ഭാഗം തകര്‍ന്ന് വീണാണ് അപകടം ഉണ്ടായത്. സംഭവത്തില്‍ സൈന്യം അന്വേഷണം പ്രഖാപിച്ചു

Story Highlights- Accident, training, Two soldiers, killed