സൊമാലിയയിൽ ബോംബ് സ്‌ഫോടനം; 78 മരണം

സൊ​മാ​ലി​യ​ൻ ത​ല​സ്ഥാ​ന​മാ​യ മൊ​ഗാ​ദി​ഷു​വി​ലുണ്ടായ കാർ ബോംബ് സ്ഫോടനത്തിൽ 78 മരണം. ആക്രമണത്തിൽ 90 ഓളം പേർ കൊല്ലപ്പെട്ടെന്ന സ്ഥിരികരിക്കാത്ത റിപ്പോർട്ടുകളുണ്ട്. 125ഓളം പേർക്ക് സ്ഫോടനത്തിൽ പരുക്കേറ്റിട്ടുണ്ടെന്നാണ് റിപ്പോർട്ട്.

തെ​ക്കു​പ​ടി​ഞ്ഞാ​റ​ൻ മൊ​ഗാ​ദി​ഷു​വി​ലെ ചെ​ക് പോ​സ്റ്റി​ൽ രാ​വി​ലെ ആ​യി​രു​ന്നു സ്ഫോ​ട​നം നടന്നത്.  ചി​ത​റി​ക്കി​ട​ന്ന മൃ​ത​ദേ​ഹ​ങ്ങ​ൾ തി​രി​ച്ച​റി​യാ​ൻ ക​ഴി​യാ​ത്ത സ്ഥി​തി​യി​ലാ​ണുള്ളത്. യൂണിവേഴ്സിറ്റി വിദ്യാർത്ഥികൾ സഞ്ചരിച്ച ബസും അപകടത്തിൽ പെട്ടു. നിരവധി വിദ്യാർത്ഥികൾ കൊല്ലപ്പെട്ടിട്ടുണ്ടെന്നാണ് സൂചന.

Read Also : ജയ്പൂർ ബോംബ് സ്‌ഫോടന കേസ്; നാല് പ്രതികൾക്ക് വധശിക്ഷ

ആ​ക്ര​മ​ണ​ത്തി​ന്‍റെ ഉ​ത്ത​ര​വാ​ദി​ത്വം ആ​രും ഏ​റ്റെ​ടു​ത്തി​ട്ടി​ല്ല. അൽഖ്വയ്ദ ബ​ന്ധ​മു​ള്ള അ​ൽ​ഷ​ബാബ് ഭീ​ക​ര​സം​ഘ​ട​ന​യാ​ണ് സ്ഫോടനത്തിന് പിന്നിലെന്നാണ് സൂചന.

2017 ഒ​ക്ടോ​ബ​റി​ൽ അൽഷബാബ് നടത്തിയ കാ​ർ​ബോം​ബ് ആ​ക്ര​മ​ണ​ങ്ങ​ളി​ൾ 512 പേ​രാണ് കൊല്ലപ്പെട്ടത്.

Story Highlights- Somalia, Bomb Attack