ഇന്ത്യൻ അതിർത്തിയിലെ മൊബൈൽ സേവനങ്ങൾ താത്കാലികമായി നിർത്തിവച്ച് ബംഗ്ലാദേശ്

ഇന്ത്യൻ അതിർത്തിയിലെ മൊബൈൽ സേവനങ്ങൾ ബംഗ്ലാദേശ് താത്കാലികമായി നിർത്തിവച്ചു. ഇത് സംബന്ധിച്ച് രാജ്യത്തെ മൊബൈൽ സേവന ദാതാക്കൾക്ക് ബംഗ്ലാദേശ് ടെലികോം അധികൃതർ നിർദേശം നൽകി. സുരക്ഷാ കാരണങ്ങൾ ചൂണ്ടിക്കാണിച്ചാണ് നടപടി.

ഇനി ഒരു അറിയിപ്പുണ്ടാകുന്നത് വരെ ഇന്ത്യയുമായി അതിർത്തി പങ്കിടുന്ന പ്രദേശങ്ങളിലെ ഒരു കിലോമീറ്റർ പരിധിയിലെ മൊബൈൽ സേവനങ്ങൾ നിർത്തിവയ്ക്കാനാണ് നിർദേശം. ഇന്ത്യയിൽ പൗരത്വ നിയമ ഭേദഗതി പാസാക്കിയതോടെ ഇന്ത്യൻ മുസ്ലീങ്ങൾ ബംഗ്ലാദേശിലേക്ക് കടന്നുകയറിയേക്കാമെന്ന ആശങ്കയിലാണ് ഇത്തരത്തിലൊരു തീരുമാനമെന്ന് ടെലികോം വകുപ്പിലെ ഓഫീസർ പറഞ്ഞതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു.