21
Jun 2021
Monday

ഗ്രീൻ കാർണിവല്‍; ഫോർട്ട്‌കൊച്ചിയിൽ മാസ് ക്ലീനിംഗ് ഡ്രൈവ്

കാർണിവലും നവവത്സരാഘോഷവും നടന്ന ഫോർട്ട്‌കൊച്ചിയിൽ മാസ് ക്ലീനിംഗ് ഡ്രൈവ് നടന്നു. ആറായിരത്തിലധികം പേരാണ് ശുചീകരണ പ്രവൃത്തികൾക്കായെത്തിയത്. ജനങ്ങളുടെ സജീവ പങ്കാളിത്തത്തോടെയായിരുന്നു ശുചീകരണം.  3000ത്തിൽ അധികം വിദ്യാർത്ഥികൾ ശുചീകരണയജ്ഞത്തില്‍ പങ്കെടുത്തു.

കടൽ തീരവും മറ്റ് സ്ഥലങ്ങളും വൃത്തിയാക്കാൻ നേവി, കോസ്റ്റ് ഗാർഡ്, എക്‌സൈസ്, പൊലീസ് സേനാ വിഭാഗങ്ങൾ, സ്‌കൂൾ -കോളജ് വിദ്യാർത്ഥികൾ, എൻഎസ്എസ് വളന്റിയർമാർ, കുടുംബശ്രീ പ്രവർത്തകർ, ആശാ വർക്കർമാർ തുടങ്ങി വിവിധ മേഖലകളിൽ നിന്നുള്ളവരെത്തി.

സ്‌ക്വാഡുകളായി തിരിഞ്ഞായിരുന്നു ശുചീകരണം. കൊച്ചിയെ പച്ച പുതപ്പിക്കാനായി രൂപീകരിച്ച ക്ലീൻ കൊച്ചിൻ മിഷന്റെ ആദ്യ പദ്ധതിയാണ് ‘ഗ്രീൻ കാർണിവൽ’. ജില്ലാ ഭരണകൂടവും ജില്ലാ ലീഗൽ സർവീസ് അതോറിറ്റിയും നേതൃത്വം നൽകുന്ന മിഷനിൽ സർക്കാർ- അർധസർക്കാർ സ്ഥാപനങ്ങൾ, എൻജിഒകൾ എന്നിവയടക്കം 20 പങ്കാളികളുണ്ട്.

മാലിന്യങ്ങൾ വേർതിരിക്കുന്നതിനുള്ള സംവിധാനവും ഇവിടെത്തന്നെ ഒരുക്കിയിട്ടുണ്ട്. മാസ് ക്ലീനിംഗ് പ്രോസസ് കൂടി കഴിഞ്ഞതോടെ കൊച്ചിൻ കാർണിവൽ സമ്പൂർണ ഗ്രീൻ കാർണിവൽ എന്ന ലക്ഷ്യത്തിലെത്തിയിരിക്കുകയാണ്.

 

 

 

 

green carnival, fortcochi cleaning

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top