കണ്ണൻ ഗോപിനാഥനെ മോചിപ്പിച്ചു

മുൻ മലയാളി ഐഎഎസ് ഓഫീസർ കണ്ണൻ ഗോപിനാഥനെ മോചിപ്പിച്ചു. 10 മണിക്കൂറിന് ശേഷമാണ് വിട്ടയച്ചത്. കണ്ണൻ ഗോപിനാഥനെ പൊലീസ് ഉത്തർപ്രദേശ് അതിർത്തികടത്തിവിടുമെന്നാണ് വ്യക്തമാകുന്നത്.

പൗരത്വ നിയമ ഭേദഗതിയുമായി ബന്ധപ്പെട്ട യാത്രക്കിടെയാണ് കണ്ണൻ ഗോപിനാഥനെ ഉത്തർപ്രദേശ് പൊലീസ് കസ്റ്റഡിയിൽ എടുത്തത്. തന്റെ ട്വിറ്റർ ഹാൻഡിലിലൂടെ കസ്റ്റഡിയിലായ വിവരം അദ്ദേഹം തന്നെ പുറത്തുപറയുകയായിരുന്നു. പൊലീസ് തന്നോട് മാന്യമായാണ് പെരുമാറുന്നതെന്നും കണ്ണൻ ഗോപിനാഥൻ പറഞ്ഞിരുന്നു.

പൗരത്വ നിയമ ഭേദഗതിക്കെതിരെ കടുത്ത വിമർശനമായിരുന്നു കണ്ണൻ ഗോപിനാഥൻ ഉയർത്തിയിരുന്നത്. സഎഎയ്‌ക്കെതിരെ രാജ്യത്തിന്റെ വിവിധ ഇടങ്ങളിൽ നടന്ന പ്രതിഷേധങ്ങളിൽ അദ്ദേഹം പങ്കെടുത്തിരുന്നു.