മരടിൽ ട്രയൽ റൺ വിജയകരമായി പൂർത്തിയായി; പൂർണ സജ്ജമെന്ന് ഭരണകൂടം

മരടിൽ ഫഌറ്റ് പൊളിക്കാൻ ഒരു രാത്രി ബാക്കി നിൽക്കെ ട്രയൽ റൺ വിജയകരമായി പൂർത്തിയായി. ആൽഫ സെറീനിലും എച്ച്.ടു.ഒയിലും ട്രയൽ റൺ വിജയകരമായി പൂർത്തിയായതായി ഐ.ജി വിജയ് സാഖറെ അറിയിച്ചു. പ്രദേശത്ത് ഡ്രോണുകൾ പ്രവേശിക്കരുതെന്നും അനധികൃതമായി ഡ്രോണുകൾ പറത്തിയാൽ വെടിവെച്ചിടുമെന്നും വിജയ് സാഖറെ പറഞ്ഞു.

അതേസമയം, ഫ്‌ളാറ്റുകൾ പൊളിക്കുന്നതിന് മുന്നോടിയായി പ്രദേശത്ത് നിരോധനാജ്ഞ പ്രഖ്യാപിച്ചു. ജില്ലാ കളക്ടർ എസ് സുഹാസാണ് നിരോധനാജ്ഞ പ്രഖ്യാപിച്ചത്. ശനിയാഴ്ച രാവിലെ എട്ടു മണി മുതൽ വൈകീട്ട് അഞ്ചുമണിവരെയാണ് നിരോധനാജ്ഞ. കായൽ പ്രദേശത്തും നിരോധനാജ്ഞ ബാധകമാണ്.

ശനിയാഴ്ച രാവിലെ 11ന് ഹോളിഫെയ്ത്ത് എച്ച്ടുഒയാണ് ആദ്യം തകർക്കുക. അര മണിക്കൂറിനകം ആൽഫ സെറീനിന്റെ രണ്ട് ടവറുകളും നിലംപതിക്കും. ഞായറാഴ്ച രാവിലെ 11ന് ജെയിൻ കോറൽകോവും രണ്ടുമണിക്ക് ഗോൾഡൻ കായലോരവും തകർന്ന് വീഴും. സ്‌ഫോടന ദിവസം കുണ്ടന്നൂർ ബൈപ്പാസിലും ഇടറോഡുകളിലും ഗതാഗതത്തിന് നിയന്ത്രണം ഏർപ്പെടുത്തിയിട്ടുണ്ട്.

story highlights- holy faith h2o, alfa serene, maradu flat