ജനുവരി 31 നകം ഡ്രോണുകള്‍ രജിസ്റ്റര്‍ ചെയ്യണം: വ്യോമയാന മന്ത്രാലയം

ജനുവരി 31 നകം രാജ്യത്തെ മുഴുവന്‍ ഡ്രോണുകളും രജിസ്റ്റര്‍ ചെയ്യണമെന്ന് വ്യോമയാന മന്ത്രാലയം. 31നകം ഡ്രോണുകള്‍ രജിസ്റ്റര്‍ ചെയ്യാത്തവര്‍ക്കെതിരേ നിയമനടപടികള്‍ സ്വീകരിക്കും. ഡ്രോണുകളുടെയും ഡ്രോണ്‍ ഓപ്പറേറ്റര്‍മാരുടെ വിവരങ്ങളും രജിസ്റ്റര്‍ ചെയ്യണമെന്ന് നിര്‍ദേശത്തില്‍ പറയുന്നു. ഓണ്‍ലൈന്‍ വഴിയാണ് രജിസ്‌ട്രേഷന്‍ നടപടികള്‍.

രാജ്യത്ത് നിലവില്‍ അനധികൃതമായി 50,000 മുതല്‍ 60,000 ഡ്രോണുകള്‍ പ്രവര്‍ത്തിപ്പിക്കുന്നുണ്ടെന്നാണ് കഴിഞ്ഞവര്‍ഷം ഒക്ടോബറില്‍ പുറത്തുവന്ന കണക്കുകള്‍ സൂചിപ്പിക്കുന്നത്. digitalsky.dgca.gov.in എന്ന വെബ്‌സൈറ്റിലാണ് ഡ്രോണുകള്‍ രജിസ്റ്റര്‍ ചെയ്യേണ്ടത്. ഡ്രോണുകള്‍ രജിസ്റ്റര്‍ ചെയ്യുമ്പോള്‍ ഡ്രോണ്‍ അക്‌നോളഡ്ജ്‌മെന്റ് നമ്പരും (DAN) ഓണര്‍ഷിപ്പ് അക്‌നോളഡ്ജ്‌മെന്റ് നമ്പരും (OAN) ലഭിക്കും.