തിരുവനന്തപുരത്ത് രണ്ട് പേർക്ക് വെട്ടേറ്റു

തിരുവനന്തപുരത്ത് രണ്ട് പേർക്ക് വെട്ടേറ്റു. വിളപ്പിൽശാലയിലാണ് സംഭവം. ലിജു സൂരി, ബിനുകുമാർ എന്നിവർക്കാണ് വെട്ടേറ്റത്. ലിജുവിന്റെ ബന്ധുവായ ജയിനാണ് ആക്രമിച്ചത്. വെട്ടിയതിന് ശേഷം ബോംബെറിഞ്ഞ് ഭീകരാന്തരീക്ഷം സൃഷ്ടിക്കുകയും ചെയ്തു.

ഇന്ന് രാവിലെയാണ് സംഭവം നടന്നത്. വെട്ടേറ്റ ഇരുവരേയും തിരുവനന്തപുരം മെഡിക്കൽ കോളജിൽ പ്രവേശിപ്പിച്ചു. ലിജുവിന്റെ തലയിലും കാലിനുമാണ് പരുക്കേറ്റത്. ലിജുവിന്റെ പരുക്ക് ഗുരുതരമാണ്. അടിയന്തര ശസ്ത്രക്രിയ ആവശ്യമാണെന്നാണ് ആശുപത്രി അധികൃതർ വ്യക്തമാക്കുന്നത്. ബിനുകുമാറിന്റെ കൈക്കാണ് വെട്ടേറ്റത്. പൊലീസ് സംഭവ സ്ഥലത്തെത്തി പരിശോധന നടത്തി.