ടി.വി.ആർ ഷേണായി നാഷണൽ മീഡിയ അവാർഡ് ആർ. ശ്രീകണ്ഠൻ നായർ ഏറ്റുവാങ്ങി

പത്തനാപുരം ഗാന്ധിഭവൻ ഏർപ്പെടുത്തിയ ടി.വി.ആർ ഷേണായി നാഷണൽ മീഡിയ അവാർഡ് ഫ്‌ളവേഴ്‌സ് മാനേജിംഗ് ഡയറക്ടർ ആർ. ശ്രീകണ്ഠൻ നായർ ഏറ്റുവാങ്ങി. ഗവർണർ ആരിഫ് മുഹമ്മദ് ഖാനിൽ നിന്നുമാണ് ശ്രീകണ്ഠൻ നായർ പുരസ്‌കാരം ഏറ്റുവാങ്ങിയത്. 25000 രൂപയും പ്രശസ്തി പത്രവും അടങ്ങുന്നതാണ് പുരസ്‌കാരം.

ശ്രീകണ്ഠൻ നായർക്കൊപ്പം വിവിധ വിഭാഗങ്ങളിലായി ജസ്റ്റിസ് ബി. കെമാൽ പാഷ, ഡോ. സി.വി ആനന്ദബോസ്, സന്തോഷ് ജോർജ് കുളങ്ങര, സോഹൻ റോയ് എന്നിവരും അവാർഡുകൾ ഏറ്റുവാങ്ങി. പത്തനാപുരം ഗാന്ധിഭവന്റെ മാതൃസ്മരണ പദ്ധതിയുടെ ഉദ്ഘാടനവും ഗവർണർ നിർവഹിച്ചു.