വാര്‍ഡ് വിഭജനം: ഓര്‍ഡിനന്‍സില്‍ ഒപ്പിടാന്‍ വിസമ്മതിച്ച് ഗവര്‍ണര്‍

വാര്‍ഡ് വിഭജനം സംബന്ധിച്ച ഓര്‍ഡിനന്‍സില്‍ ഒപ്പിടാന്‍ വിസമ്മതിച്ച് ഗവര്‍ണര്‍. ഓര്‍ഡിനന്‍സില്‍ ഒപ്പിടില്ലെന്ന് ഗവര്‍ണര്‍ സര്‍ക്കാരിനെ അറിയിച്ചു. തദ്ദേശ വകുപ്പ് മന്ത്രി എ സി മൊയ്ദീനെയാണ് ഗവര്‍ണര്‍ വിസമ്മതം അറിയിച്ചത്. ഓര്‍ഡിനന്‍സ് അല്ല വേണ്ടത്. ഇത്തരം വിഷയങ്ങള്‍ നിയമസഭയില്‍ കൊണ്ടുവന്ന് നിയമമാക്കണമെന്നും ഗവര്‍ണര്‍ പറഞ്ഞു.

ഗവര്‍ണറുടെ നിലപാടിനെ ചോദ്യം ചെയ്യാനില്ലെന്ന് മന്ത്രി എ സി മൊയ്ദീന്‍ പറഞ്ഞു. സര്‍ക്കാര്‍ സ്വീകരിച്ചത് ന്യായവും നീതിപൂര്‍വകവുമായ നിലപാടാണ്. വാര്‍ഡ് വിഭജനമെന്ന തീരുമാനത്തില്‍ സര്‍ക്കാര്‍ ഉറച്ചുനില്‍ക്കുന്നു. തുടര്‍ നടപടികള്‍ ആലോചിച്ച് തീരുമാനിക്കുമെന്നും അദ്ദേഹം തിരുവനന്തപുരത്ത് പറഞ്ഞു.