ഇന്ത്യ – ന്യൂസിലന്‍ഡ് ടി-20 പരമ്പരയ്ക്ക് ഇന്ന് തുടക്കം

ഇന്ത്യ – ന്യൂസിലന്‍ഡ് ടി-20 പരമ്പരയ്ക്ക് ഇന്ന് ന്യൂസിലന്‍ഡില്‍ തുടക്കം. ഉച്ചയ്ക്ക് 12.30 നാണ് മത്സരം. ടി-20 ചരിത്രത്തില്‍ ഇന്ത്യയ്ക്ക് ഏറ്റവും മോശം വിജയചരിത്രമുള്ള ന്യൂസിലന്‍ഡാണ് എതിരാളികള്‍. കിവികള്‍ക്കെതിരെ 11 ടി-20 മത്സരങ്ങള്‍ കളിച്ചിട്ടുള്ള ഇന്ത്യക്ക് ജയിക്കാനായത് മൂന്നെണ്ണത്തില്‍ മാത്രമാണ്.

കോലിയുടെ നേതൃത്വത്തില്‍ ഇന്ത്യ ന്യൂസിലന്‍ഡില്‍ ടി-20 പരമ്പര കളിക്കാന്‍ ഇറങ്ങുന്നത് ഇത് ആദ്യമായാണ്. സഞ്ജു സാംസണ്‍ ടീമിലെത്തുമോ എന്നാണ് മലയാളികള്‍ ഉറ്റുനോക്കുന്നത്. ട്വന്റിട്വന്റിക്ക് പുറമെ മൂന്ന് ഏകദിനങ്ങളും രണ്ട് ടെസ്റ്റുകളുമാണ് പര്യടനത്തില്‍ ഉള്ളത്.