ആലപ്പുഴയിൽ കൊറോണ ബാധിച്ച വിദ്യാർത്ഥിയുടെ നില തൃപ്തികരമെന്ന് ആരോഗ്യ വകുപ്പ്

കൊറോണ വൈറസ് ബാധിച്ച് ആലപ്പുഴ മെഡിക്കൽ കോളേജ് ആശുപത്രിയിൽ കഴിയുന്ന വിദ്യാർത്ഥിയുടെ നില തൃപ്തികരമെന്ന് ആരോഗ്യ വകുപ്പ്. ജില്ലയിൽ രോഗലക്ഷണങ്ങളോടെ ആശുപത്രിയിൽ പ്രവേശിപ്പിച്ചിരുന്ന 8 പേരെ ഇന്ന് ഡിസ്ചാർജ് ചെയ്തു. പുതിയതായി പ്രവേശിപ്പിച്ച ഒരാളുൾപ്പെടെ ആകെ 8 പേരാണ് വിവിധ ആശുപത്രികളിൽ ഉള്ളത്.

പൂന വൈറോളജി ഇൻസ്റ്റിറ്റ്യൂട്ടിൽ നിന്നുള്ള ഫലത്തിന്റെ അടിസ്ഥാനത്തിലാണ് വിദ്യാർത്ഥിയിൽ കൊറോണ വൈറസ് ബാധ സ്ഥിരീകരിച്ചത്.നിലവിൽ 171 പേർ വീടുകളിൽ നിരീക്ഷണത്തിലാണ്. ജില്ലയിലെ താലൂക്ക്, ജനറൽ ആശുപത്രികളിൽ ഐസോലേഷൻ വാർഡുകൾ സജ്ജമാണ്.