പരസ്പരം തല്ലുപിടിക്കുന്ന എലികൾ; ചിത്രത്തിന് വൈൽഡ് ലൈഫ് ഫൊട്ടോഗ്രഫി പുരസ്കാരം

എലികൾ തല്ലുപിടിക്കുമോ? തല്ലുപിടിച്ചാലും കൈകൾ ഉപയോഗിക്കുമോ? ചോദ്യങ്ങൾ അവിടെ നിൽക്കട്ടെ, എലികൾ തല്ലുപിടിക്കുന്ന അപൂർവ ചിത്രമെടുത്ത് ഒരു ഫൊട്ടോഗ്രാഫർ പുരസ്കാരാർഹനായിരിക്കുകയാണ്. പ്രമുഖ ക്യാമറ ബ്രാൻഡായ ലുമിക്സിൻ്റെ പോയ വർഷത്തെ ഏറ്റവും മികച്ച ഫൊട്ടോഗ്രാഫർക്കുള്ള പീപ്പിൾസ് ചോയ്സ് അവാർഡാണ് ഈ ചിത്രത്തിലൂടെ ഇംഗ്ലണ്ടുകാരനായ സാൻ റൗളി എന്ന ഫൊട്ടോഗ്രാഫർ സ്വന്തമാക്കിയത്.

ആരോ ഉപേക്ഷിച്ച അപ്പക്കഷണത്തിനു വേണ്ടിയായിരുന്നു എലികളുടെ പൊരിഞ്ഞ പോര്. ലണ്ടൻ അണ്ടർഗ്രൗണ്ട് സ്റ്റേഡിയത്തിൽ വെച്ച് എടുത്ത ഈ ചിത്രത്തിന് ‘സ്റ്റേഷൻ സ്ക്വാബിൾ’ (സ്റ്റേഷനിലെ കലഹം) എന്നാണ് സാം പേര് നൽകിയത്. ഒരാഴ്ച തുടർച്ചയായി രാത്രികളിൽ സ്റ്റേഷൻ സന്ദർശിച്ചതിനു ശേഷമാണ് സാമിന് ഈ അപൂർവ ചിത്രം ലഭിച്ചത്. ‘ഒരേയൊരു സെക്കൻഡായിരുന്നു തല്ല്. ശേഷം ഒരാൾ തല്ലിൽ ജയിച്ച് അപ്പക്കഷ്ണവുമായി കടന്നു.’-ചിത്രത്തിന് സാം അടിക്കുറിപ്പെഴുതി.

100 രാജ്യങ്ങളിൽ നിന്നുള്ള 48000 ചിത്രങ്ങളിൽ നിന്നാണ് ലണ്ടൻ നാച്ചുറൽ ഹിസ്റ്ററി മ്യൂസിയം ഏർപ്പെടുത്തിയ പുരസ്കാരത്തിന് ഈ ചിത്രം തെരഞ്ഞെടുക്കപ്പെട്ടത്. 28000 വോട്ടുകളാണ് ഈ ചിത്രത്തിനു ലഭിച്ചത്. “മനുഷ്യാധിപത്യമുള്ള ഒരു ലോകത്ത് ജീവികൾ എങ്ങനെ കഴിയുന്നു എന്നത് ഈ ചിത്രത്തിലൂടെ അറിയാൻ കഴിയുന്നുണ്ട്. നമ്മുടെ ദൈനം ദിന ജീവിതത്തിലൂന്നിയാണ് ആ എലികൾ പ്രവർത്തിച്ചത്. ഉപേക്ഷിക്കപ്പെട്ട അപ്പത്തിനു വേണ്ടി തല്ലു പിടിക്കേണ്ടി വന്നത് മനുഷ്യൻ അതവിടെ ഉപേക്ഷിച്ചതു കൊണ്ടാണ്”- പുരസ്കാര പ്രഖ്യാപനത്തിനിടെ അധികൃതർ അറിയിച്ചു.

 

View this post on Instagram

 

Phew!!! What a morning. Delighted to hear I’ve won Wildlife Photographer of the Year’s People’s Choice Award! Dream come true. Link to prints in bio!

A post shared by Sam Rowley (@samrowleywild) on Feb 12, 2020 at 1:36am PST