ഇന്നത്തെ പ്രധാന വാർത്തകൾ (15.02.2020)

പാലാരിവട്ടം പാലം അഴിമതിക്കേസ്; ഇബ്രാഹിം കുഞ്ഞിനെ വിജിലൻസ് ഇന്ന് ചോദ്യം ചെയ്യും

പാലാരിവട്ടം പാലം അഴിമതിക്കേസിൽ മുൻ മന്ത്രി വി കെ ഇബ്രാഹിം കുഞ്ഞിനെ വിജിലൻസ് ഇന്ന് ചോദ്യം ചെയ്യും. പൂജപ്പുരയിലെ സ്പെഷ്യൽ യൂണിറ്റ് മുമ്പാകെ 11 മണിക്ക് ഹാജരാകണമെന്നാണ് നിർദേശം.

സിപിഐഎം സംസ്ഥാന സമിതി യോഗം ഇന്ന് തുടങ്ങും; രാഷ്ട്രീയ സാഹചര്യങ്ങളും ചർച്ചയ്ക്ക്

സിഎജി റിപ്പോർട്ടുമായി ബന്ധപ്പെട്ട വിവാദങ്ങൾക്കിടെ സിപിഐഎമ്മിന്റെ സംസ്ഥാന സമിതി യോഗം ഇന്ന് ആരംഭിക്കും. രാവിലെ പത്ത് മുതൽ തിരുവനന്തപുരം എകെജി സെന്ററിൽ ആണ് യോഗം. സമകാലിക രാഷ്ട്രീയ സാഹചര്യങ്ങള്‍ യോഗം വിശദമായി ചർച്ച ചെയ്യും.