സംസ്ഥാനത്ത് ആറ് ജില്ലകളിൽ ചൂട് ഉയരാൻ സാധ്യത
സംസ്ഥാനത്ത് ആറ് ജില്ലകളിൽ താപനില ചൂട് സാധ്യതയെന്ന് കേന്ദ്ര കാലാവസ്ഥാ നിരീക്ഷണ കേന്ദ്രത്തിൻ്റെ മുന്നറിയിപ്പ്. തിരുവനന്തപുരം, ആലപ്പുഴ, കോട്ടയം, തൃശൂർ, കോഴിക്കോട്, കണ്ണൂർ ജില്ലകളിൽ ഇന്നും നാളെയും രണ്ട് മുതൽ മൂന്ന് ഡിഗ്രി സെൽഷ്യസ് വരെ താപനില ഉയർന്നേക്കുമെന്നാണ് മുന്നറിയിപ്പ്. ദിനാന്തരീക്ഷ താപനില സാധാരണ താപനിലയെക്കാൾ 2 മുതൽ 3 ഡിഗ്രി സെൽഷ്യസ് വരെ ഉയരാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ചൂട് മൂലമുണ്ടാകുന്ന ആരോഗ്യ പ്രശ്നങ്ങളെ പ്രതിരോധിക്കാൻ പൊതുജനങ്ങൾ ആവശ്യമായ മുൻകരുതൽ നടപടികൾ സ്വീകരിക്കണമെന്ന് നിർദ്ദേശം നൽകിയിട്ടുണ്ട്.
വടക്ക് കിഴക്കൻ ചൂട് കാറ്റിൻ്റെ സ്വാധീനത്താൽ കേരളത്തിന് ലഭിക്കുന്ന തണുത്ത കടൽ കാറ്റിൻ്റെ സ്വാധീനം കുറയുന്നത് കൊണ്ടാണ് സംസ്ഥാനത്ത് അധിക ചൂട് അനുഭവപ്പെടുന്നത്. കേന്ദ്ര കാലാവസ്ഥ വകുപ്പിൻറെ താപനില മാപിനികളിൽ ജനുവരി, ഫെബ്രുവരി മാസങ്ങളിൽ ഇതുവരെ രേഖപ്പെടുത്തപ്പെട്ട ഉയർന്ന ദിനാന്തരീക്ഷ താപനിലകൾ സർവകാല റെക്കോർഡുകൾ ഭേദിക്കുന്നവയാണ്. ഉയർന്ന ദിനാന്തരീക്ഷ താപനില വിവിധയിടങ്ങളിൽ 37 ഡിഗ്രി സെൽഷ്യസിനെക്കാൾ ഉയരുന്ന സാഹചര്യവും നിലനിൽക്കുന്നു.
ചൂട് മൂലമുണ്ടാകുന്ന ആരോഗ്യ പ്രശ്നങ്ങളെ നേരിടുന്നതിന് ആവശ്യമായ ജാഗ്രത പുലർത്താൻ സംസ്ഥാന ദുരന്ത നിവാരണ അതോറിറ്റി നിർദേശിച്ചു. മാർച്ച് 20 ഓടെ സംസ്ഥാനത്ത് വേനൽ മഴ ലഭിക്കുമെന്നാണ് പ്രതീക്ഷിക്കുന്നത്.
നേരത്തെ, സംസ്ഥാനത്തെ ചൂട് വര്ധിക്കുന്നതിന്റെ പശ്ചാത്തലത്തില് ദുരന്ത നിവാരണ അതോറിറ്റി പൊതുജനങ്ങള്ക്കായി പ്രത്യേക മുന്കരുതല് നിര്ദേശങ്ങള് പുറത്തിറക്കിയിരുന്നു.
Story Highlights: Temparature, kerala state
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here