കൊവിഡ് 19; കൺവെൻഷനുകളും തീർത്ഥാടനങ്ങളും ഒഴിവാക്കണമെന്ന് കെസിബിസി

കൊറോണ വൈറസ് പടർന്നുപിടിക്കുന്ന സാഹചര്യത്തിൽ കൺവെൻഷനുകൾക്കും തീർത്ഥാടനങ്ങൾക്കും മറ്റ് ആഘോഷങ്ങൾക്കും നിയന്ത്രണമേർപ്പെടുത്തി കെസിബിസി. ആഘോഷങ്ങളെല്ലാം ഒഴിവാക്കുകയോ നിയന്ത്രിക്കുകയോ ചെയ്യണമെന്നാവശ്യപ്പെട്ട് കെസിബിസി സർക്കുലർ പുറത്തിറക്കി.

കൊവിഡ് കൂടുതൽ റിപ്പോർട്ട് ചെയ്ത സ്ഥലത്തു കർശന നിയന്ത്രണങ്ങൾ സ്വീകരിക്കണം. രോഗം പടരാതിരിക്കാൻ ആരോഗ്യവകുപ്പ് നൽകിയ നിർദേശങ്ങൾ കർശനമായി പാലിക്കണമെന്നും സർക്കുലറിൽ പറയുന്നു. രോഗം പടരാതിരിക്കാൻ യാത്രകളും പ്രവർത്തന ശൈലികളും നിയന്ത്രിക്കണം. സ്ഥിതിഗതികൾ പഠിച്ച ശേഷം കൂടുതൽ നിയന്ത്രണങ്ങൾ കൊണ്ടുവരുമെന്നും സർക്കുലറിൽ വ്യക്തമാക്കുന്നു.

സംസ്ഥാനത്ത് ആറ് പേർക്കാണ് ഇതുവരെ കൊറോണ സ്ഥിരീകരിച്ചത്. ഇതിൽ അഞ്ച് പേർ റാന്നി സ്വദേശികളാണ്. ഇറ്റലിയിൽ നിന്ന് ദുബായ് വഴി കൊച്ചിയിലെത്തിയ മൂന്ന് വയസുകാരിക്കാണ് ഒടുവിൽ കൊറോണ സ്ഥിരീകരിച്ചത്. കുട്ടിയുടെ മാതാപിതാക്കളും നിരീക്ഷണത്തിലാണ്.