ഓണ്‍ലൈന്‍ ഭക്ഷണ ഓര്‍ഡറുകള്‍ക്ക് രാത്രി എട്ടു വരെ അനുമതി

ലോക്ക് ഡൗണിന്റെ പശ്ചാത്തലത്തില്‍ സംസ്ഥാനത്തെ ഹോട്ടലുകള്‍, ടേക്ക് എവേ കൗണ്ടറുകള്‍ എന്നിവയ്ക്ക് ഓണ്‍ലൈന്‍ ഭക്ഷണ ഓര്‍ഡറുകള്‍ വിതരണം ചെയ്യുന്നതിന് രാത്രി എട്ടു മണി വരെ സര്‍ക്കാര്‍ അനുമതി നല്‍കി. നേരത്തെ രാവിലെ ഏഴ് മുതല്‍ വൈകിട്ട് അഞ്ച് മണി വരെയായിരുന്നു പ്രവര്‍ത്തനാനുമതി.

ഓണ്‍ലൈനിലല്ലാതെയുള്ള വില്‍പന വൈകിട്ട് അഞ്ച് മണിക്ക് തന്നെ അവസാനിപ്പിക്കണമെന്ന നിയന്ത്രണത്തില്‍ മാറ്റമില്ല. രാത്രി ഒന്‍പത് മണിക്കകം ഓണ്‍ലൈന്‍ ഭക്ഷണം വീടുകളിലെത്തിക്കുന്നവര്‍ പ്രവര്‍ത്തനം അവസാനിപ്പിച്ചിരിക്കണമെന്നും സര്‍ക്കാര്‍ ഉത്തരവില്‍ വ്യക്തമാക്കി.

Story Highlights- Permission for online food orders up to 8 p.m.