ലോക്ക്ഡൗൺ; സർക്കാർ ഇടപെടൽ ആവശ്യപ്പെട്ട് സംസ്ഥാന ബ്യൂട്ടിഷ്യൻ അഡ്വൈസറി ബോർഡ്‌

സർക്കാർ ഇടപെടൽ ആവശ്യപ്പെട്ട് സംസ്ഥാന ബ്യൂട്ടിഷ്യൻ അഡ്വൈസറി ബോർഡ്‌. ലോക്ക്ഡൗൺ പശ്ചാത്തലത്തിൽ കടുത്ത പ്രതിസന്ധിയിലാണ് മേഖല എന്നും വാടക ഉൾപ്പെടെയുള്ളവയിൽ ഇളവുകൾ അനുവദിക്കണമെന്നുമാണ് ഇവരുടെ ആവശ്യം. സഹായമഭ്യർഥിച്ച് സംഘടന മുഖ്യമന്ത്രിക്ക് കത്തയച്ചു.

നാല് ലക്ഷത്തിലധികം വനിതകളുടെ ഉപജീവനമാണ് ലോക്ക്ഡൗൺ മൂലം പ്രതിസന്ധിയിലായത്. ഇതിൽ ഭൂരിപക്ഷംപേരും സംരംഭകരും തൊഴിൽ ദാതാക്കളുമാണ് അതുകൊണ്ട് തന്നെ പ്രതിസന്ധി ഘട്ടത്തിൽ അടിയന്തിര സർക്കാർ സഹായം വേണമെന്നാണ് ബ്യൂട്ടിപാർലർ തൊഴിലാളികളുടെ ആവശ്യം. ധന സഹായം, കടാശ്വാസം, വാടക ഇളവ് തുടങ്ങിയവ അനുവദിക്കണമെന്ന് ചൂണ്ടിക്കാണിച്ച് മുഖ്യമന്ത്രിക്ക് കത്തയച്ചിരിക്കുകയാണ് ഓൾ കേരള ബ്യൂട്ടിഷ്യൻ അഡ്വൈസറി ബോർഡ്‌.

ലോക്ക്ഡൗണിനെ തുടർന്ന് സ്ഥാപനങ്ങൾ തുറക്കാൻ സാധിക്കാത്തതിനാൽ വിലയേറിയ സൗന്ദര്യ സംരക്ഷണവസ്തുക്കൾ നശിച്ചു പോകുമോ എന്ന ആശങ്കയും ഇവർക്കുണ്ട്. അതുകൊണ്ട് തന്നെ കൊവിഡ് പ്രോട്ടോകോൾ പാലിച്ച് ആഴ്ചയിൽ ഒരിക്കൽ കടകൾ തുടർന്ന് ശുചീകരണ പ്രവർത്തനങ്ങൾ നടത്താൻ അനുവദിക്കണമെന്നും ഇവർ ആവശ്യപ്പെടുന്നു.

Story Highlights: coronavirus, lock down,

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top