ലോകത്ത് കൊവിഡ് ബാധിതരുടെ എണ്ണം 35 ലക്ഷത്തിലേക്ക്

ലോകത്ത് കൊവിഡ് ബാധിതരുടെ എണ്ണം 35 ലക്ഷത്തിലേക്ക് അടുക്കുന്നു. ഇതുവരെ 34,78,970 പേർക്കാണ് രോഗം സ്ഥിരീകരിച്ചത്. 2,44, 481 പേർ മരിച്ചു.  11,7,840 പേർക്കാണ് ഇതുവരെ രോഗം ഭേദമായത്. ലോകത്ത് ഏറ്റവും കൂടുതൽ കൊവിഡ് മരണം റിപ്പോർട്ട് ചെയ്തതും അമേരിക്കയിലാണ്. 1643 പേർക്കാണ് 24 മണിക്കൂറിനിടെ ജീവൻ നഷ്ടമായത്. ഇതോടെ അമേരിക്കയിൽ 67,396 ആയി. ഇന്നലെ 1897 ആയിരുന്നു മരണ നിരക്ക്.

ബ്രിട്ടണിൽ മരണ നിരക്ക് 500 കടന്നു. 621 പേരാണ് ബ്രിട്ടണിൽ മരിച്ചത്. ഇറ്റലിയിലെ മരണ നിരക്കിൽ നേരിയ വർധന റിപ്പോർട്ട് ചെയ്തപ്പോൾ സ്‌പെയിനിൽ 300ൽ താഴെയാണ് മരണ നിരക്ക്. ഈ സാഹചര്യത്തിൽ സ്‌പെയിനിലെ ഏഴ് ആഴ്ച നീണ്ട ലോക്ക് ഡൗണിൽ ഇളവ് വരുത്തി. എന്നാൽ, മാസ്‌ക് ഉപയോഗം നിർബന്ധമാക്കിയിട്ടുണ്ട്.

അതേസമയം, ഇറാനിലെയും ബ്രസീലിലെയും രോഗബാധിതരുടെ എണ്ണം 1 ലക്ഷത്തിലേക്ക് അടുക്കുന്നു.

Story highlight: 35 million cases of covid infections worldwide