19
Oct 2021
Tuesday
Covid Updates

    കൊവിഡ് കേസുകളിൽ ചൈനയെ മറികടന്ന് ഇന്ത്യ

    india surpasses china covid positive case

    കൊവിഡ് കേസുകളിൽ ഇന്ത്യ ചൈനയെ മറികടന്നു. ചൈനയിൽ 82,933 കേസുകളാണ് ഇതുവരെ റിപ്പോർട്ട് ചെയ്തത്. എന്നാൽ ഇന്ത്യയിൽ പോസിറ്റീവ് കേസുകൾ 85000 കടന്ന് 85940 ൽ എത്തി നിൽക്കുകയാണ്. 2752 പേർ മരിച്ചു.
    24 മണിക്കൂറിനിടെ 3970 പോസിറ്റീവ് കേസുകളും 103 മരണവും റിപ്പോർട്ട് ചെയ്തു. 53035 പേരാണ് ചികിത്സയിലുള്ളത്. 30152 പേർ രോഗമുക്തി നേടിയിട്ടുണ്ട്. രാജ്യത്ത് രോഗമുക്തമാകുന്നവരുടെ നിരക്ക് 34.1 ശതമാനമായി ഉയർന്നു.

    പോസിറ്റീവ് കേസുകളുടെ എണ്ണത്തിൽ തമിഴ്‌നാട് ഗുജറാത്തിനെ മറികടന്നു. തമിഴ്‌നാട്ടിൽ കൊവിഡ് കേസുകൾ 10,108 ആയി. 24 മണിക്കൂറിനിടെ 434 കേസുകളും അഞ്ച് മരണവും റിപ്പോർട്ട് ചെയ്തു. ചെന്നൈയിൽ മാത്രം 309 പേർക്ക് രോഗം സ്ഥിരീകരിച്ചു. ഗുജറാത്തിൽ പോസിറ്റീവ് കേസുകൾ പതിനായിരത്തിലേക്ക് അടുക്കുകയാണ്. 24 മണിക്കൂറിനിടെ 340 പോസിറ്റീവ് കേസുകളും 20 മരണവും റിപ്പോർട്ട് ചെയ്തു. ആകെ കൊവിഡ് കേസുകൾ 9932 ഉം മരണം 606 ഉം ആയി. അതേസമയം, 4035 പേർക്ക് രോഗം ഭേദമായി.

    Read Also : ട്രെയിൻ, ആഭ്യന്തര വിമാന സർവീസുകൾക്ക് ഉൾപ്പെടെ ഇളവ് തേടി കേരളം; സമ്പൂർണ ലോക്ക്ഡൗൺ ആവശ്യപ്പെട്ട് മറ്റു ചില സംസ്ഥാനങ്ങൾ

    ഡൽഹിയിൽ 425 പേർ കൂടി രോഗബാധിതരായതോടെ ആകെ കൊവിഡ് കേസുകൾ 8895 ആയി. മരണസംഖ്യ 123 ആയി ഉയർന്നു. രാജസ്ഥാനിൽ 213 കേസുകൾ കൂടി റിപ്പോർട്ട് ചെയ്തു. ഇതോടെ ആകെ പോസിറ്റീവ് കേസുകൾ 4747 ആയി. കർണാടകയിൽ കൊവിഡ് ബാധിതരുടെ എണ്ണം 1000 കടന്നു.

    Story Highlights- india surpasses china covid positive case

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top