തൃശൂര് ജില്ലയില് 56 പേര്ക്ക് കൂടി കൊവിഡ്; 33 പേര്ക്ക് രോഗം ബാധിച്ചത് സമ്പര്ക്കത്തിലൂടെ
തൃശൂര് ജില്ലയില് 56 പേര്ക്ക് കൂടി കൊവിഡ് സ്ഥിരീകരിച്ചു. അഞ്ചു ആരോഗ്യപ്രവര്ത്തകര്ക്കുള്പ്പടെ 33 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. കൊവിഡ് ബാധിച്ച് മരിച്ച വ്യക്തിയില് നിന്ന് അഞ്ചു പേര്ക്ക് രോഗം സ്ഥിരീകരിച്ചു. രോഗം ബാധിച്ച ആരോഗ്യപ്രവര്ത്തകരില് ഒരാള്ക്ക് കെഎസ്ഇ ക്ലസ്റ്ററില് നിന്നും മൂന്ന് പേര്ക്ക് കെഎല്എഫ് ക്ലസ്റ്ററില് നിന്നുമാണ് രോഗം പകര്ന്നത്.
കെഎസ്ഇ ക്ലസ്റ്ററില് നിന്ന് മാത്രം 15 പേര്ക്ക് രോഗം ബാധിച്ചു. ഇതില് വേളൂക്കര സ്വദേശിയായ രണ്ടു വയസുളള പെണ്കുട്ടിയും ഉണ്ട്. ഇന്ന് 33 പേര് രോഗമുക്തരായി. ഇതോടെ ജില്ലയില് ആകെ രോഗം ബാധിച്ചവരുടെ എണ്ണം 941 ആയി. ഇതില് 584 പേര് രോഗമുക്തരായി. രോഗം സ്ഥിരീകരിച്ച 338 പേര് ജില്ലയിലെ ആശുപത്രികളില് ചികിത്സയില് കഴിയുന്നുണ്ട്. തൃശൂര് സ്വദേശികളായ ആറു പേര് മറ്റു ജില്ലകളില് ചികിത്സയിലുണ്ട്.
Story Highlights – covid19, coronavirus, thrissur
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here