ഹോളിവുഡ് താരം ടോം ഹാങ്ക്‌സിനെ ബാലപീഡന കേസിൽ അറസ്റ്റ് ചെയ്തുവെന്ന് വ്യാജവാർത്ത [24 fact check]

-/ പ്രിയങ്ക രാജീവ്

ഹോളിവുഡ് താരം ടോം ഹാങ്ക്‌സിനെപ്പറ്റി ഒരു വ്യാജവാർത്ത സാമൂഹ്യ മാധ്യമങ്ങളിൽ വ്യാപകമായി പ്രചരിക്കുന്നുണ്ട്. താരം പിഡോഫീലിയ കേസിൽ അറസ്റ്റിലായെന്നാണ് പ്രചാരണം. ഈ വാർത്തയുടെ സത്യാവസ്ഥ ഇതാണ്.

ടോം ഹാങ്ക്‌സിനെ കുട്ടികളോടുള്ള ലൈംഗിക അതിക്രമ കേസിൽ ഓസ്‌ട്രേലിയയിൽ അറസ്റ്റ് ചെയ്‌തതായാണ് വാർത്തകൾ സമൂഹ മാധ്യമങ്ങളിൽ വ്യാപകമായി പ്രചരിക്കുന്നത്.

Read Also : താജ്മഹൽ പുരാതന ഹിന്ദു ക്ഷേത്രമാണെന്ന് വ്യാജപ്രചാരണം [24 fact check]

ടോം ഹാങ്ക്‌സ് നിലവിൽ കൊവിഡ് സ്ഥിരീകരിക്കപ്പെട്ട് ചികിത്സയിലാണ്, എന്നാൽ ഇത് പീഡന കേസും അറസ്റ്റും മറച്ച് വയ്ക്കാനുള്ള തന്ത്രമാണെന്നാണ് വ്യാജ പ്രചാരണത്തിലെ ആരോപണം.

അറസ്റ്റിന്റെതെന്ന പേരിൽ പ്രചരിക്കുന്ന ചിത്രങ്ങൾ വ്യാജമാണ്. ലോസ് ആഞ്ചൽസിൽ നിന്നുള്ളതാണ് ഈ ചിത്രങ്ങൾ. കൊവിഡ് ബാധിതനായിരുന്ന ടോം ഹാങ്ക്‌സ് ഏപ്രിൽ മാസത്തിൽ തന്നെ രോഗമുക്തനായിരുന്നു. അതായത് വ്യാജ പ്രചാരകരുടെ വാദങ്ങളിൽ ഒന്നുപോലും സത്യമല്ല.

Story Highlights – 24 fact check, tom hanks