മാര്ക്കറ്റ് കമ്മിറ്റി, മാര്ക്കറ്റ് എന്ഫോഴ്സ്മെന്റ് സ്ക്വാഡ് സംവിധാനങ്ങള് എല്ലാ ജില്ലകളിലേക്കും വ്യാപിപ്പിക്കും: മുഖ്യമന്ത്രി
കൊല്ലം റൂറലില് വിജയകരമായി നടപ്പിലാക്കിയ മാര്ക്കറ്റ് കമ്മിറ്റി, മാര്ക്കറ്റ് എന്ഫോഴ്സ്മെന്റ് സ്ക്വാഡ് സംവിധാനങ്ങള് എല്ലാ ജില്ലകളിലേയ്ക്കും വ്യാപിപ്പിക്കുമെന്ന് മുഖ്യമന്ത്രി പിണറായി വിജയന്. കൊവിഡ് 19 അവലോകന യോഗത്തിന് ശേഷം മാധ്യമങ്ങളെ കാണുകയായിരുന്നു മുഖ്യമന്ത്രി.
തൃശൂര് സിറ്റിയില് നിലവിലുള്ള മാതൃകയില് മാര്ക്കറ്റ് മാനേജ്മെന്റ് സംവിധാനം സംസ്ഥാനത്തെ എല്ലാ വലിയ മാര്ക്കറ്റുകളിലും നടപ്പാക്കും. സംസ്ഥാനത്തിന് വെളിയില് നിന്ന് ചരക്കുമായി എത്തുന്ന വാഹനങ്ങളിലെ ഡ്രൈവര്മാര്ക്ക് മാത്രമായി സുരക്ഷിതവും അണുവിമുക്തവുമായ താമസസൗകര്യം ഏര്പ്പെടുത്തുക എന്നതാണ് ഇതുവഴി ലക്ഷ്യമിടുന്നത്.
കൊല്ലം സിറ്റിയിലെ മാതൃകയില് സംസ്ഥാനത്തെ എല്ലാ കണ്ടെയ്ന്മെന്റ്് സോണുകളിലും ക്ലോസ്ഡ് ഗ്രൂപ്പുകള്ക്ക് രൂപം നല്കും. തീരദേശ മേഖലയിലെ പ്രശ്നങ്ങള് പരിഹരിക്കുന്നതിന് സാമൂഹിക, സാമ്പത്തിക, സാംസ്കാരിക ഘടകങ്ങള് പരിഗണിച്ച് പ്രത്യേക പദ്ധതി നടപ്പിലാക്കും. മാസ്ക് ധരിക്കാത്ത 6954 സംഭവങ്ങള് സംസ്ഥാനത്ത് ഇന്ന് റിപ്പോര്ട്ട് ചെയ്തിട്ടുണ്ട്. ക്വാറന്റീന് ലംഘിച്ച 10 പേര്ക്കെതിരെ ഇന്ന് കേസ് രജിസ്റ്റര് ചെയ്തതായും മുഖ്യമന്ത്രി പറഞ്ഞു.
Story Highlights – Market Committee and Market Enforcement Squad
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here