എറണാകുളത്ത് കൊവിഡ് ബാധ അതിരൂക്ഷം; 193 പേരിൽ 187 പേർക്കും രോഗബാധ സമ്പർക്കത്തിലൂടെ

എറണാകുളം ജില്ലയിൽ കൊവിഡ് ബാധ അതിരൂക്ഷമായി തുടരുന്നു. ക്ലസ്റ്ററുകൾക്ക് പുറമെ നഗര പ്രദേശങ്ങളിലും രോഗവ്യാപനം. ജില്ലയിൽ 193 പേർക്ക് കൊവിഡ് സ്ഥിരീകരിച്ചതിൽ 187 പേർക്കും സമ്പർക്കത്തിലൂടെയാണ് കൊവിഡ് ബാധ. രോഗബാധയുണ്ടാകുന്ന ആരോഗ്യപ്രവർത്തകരുടെ എണ്ണത്തിലും ആശങ്ക ഏറുകയാണ്.

Read Also : കോട്ടയം ജില്ലയില്‍ ഇന്ന് കൊവിഡ് സ്ഥിരീകരിച്ചത് 137 പേര്‍ക്ക്

പശ്ചിമകൊച്ചിയിലെ കൊവിഡ് വ്യാപനം കൂടാതെ കിഴക്കൻ പ്രദേശങ്ങളായ വെങ്ങോലയിലും കോതമംഗലത്തുമെല്ലാം രോഗബാധിതരുടെ എണ്ണം വർധിക്കുകയാണ്. പുതുതായി കൊവിഡ് സ്ഥിരീകരിച്ച 193 പേരിൽ 187 പേർക്കും സമ്പർക്കത്തിലൂടെയാണ് രോഗം ബാധിച്ചത്‌. പശ്ചിമകൊച്ചിയിലാണ് ഉയർന്ന രോഗവ്യാപനമുള്ളത്. 7 ആരോഗ്യ പ്രവർത്തകർക്കും 1 ഐ.എൻ.എച്ച്.എസ് ജീവനക്കാരനും ജില്ലയിൽ രോഗം സ്ഥിരീകരിച്ചു. വെങ്ങോല, തൃക്കാക്കര എന്നിവിടങ്ങളിലും തീവ്ര രോഗബാധയുണ്ടായി.

191 പേരാണ് ജില്ലയിൽ രോഗമുക്തി നേടിയത്. 189 എറണാകുളം സ്വദേശികളുടെയും 2 മറ്റു ജില്ലക്കാരുടെയും പരിശോധനാഫലമാണ് നെഗറ്റീവ് ആയത്. അതേസമയം 1971 പേരാണ് ജില്ലയിൽ കൊവിഡ് ബാധിച്ചു ചികിത്സയിൽ കഴിയുന്നത്.

Story Highlights – ernakulam covid update