പ്രണബ് മുഖർജിക്ക് ആദരാഞ്ജലി അർപ്പിച്ച് പ്രധാനമന്ത്രി നരേന്ദ്ര മോദി

അന്തരിച്ച മുൻ രാഷ്ട്രപതി പ്രണബ് മുഖർജിക്ക് ആദരാഞ്ജലി അർപ്പിച്ച് പ്രധാനമന്ത്രി നരേന്ദ്ര മോദിയും. ഡല്‍ഹിയിലെ സൈനിക ആശുപത്രിയിൽ ചികിത്സയിലായിരുന്ന പ്രണബ് മുഖർജിയുടെ തലച്ചോറില്‍ രക്തം കട്ടപിടിച്ചിരുന്നു. വൈകിട്ട് 5.50 ഓടെയാണ് പ്രണബ് മുഖര്‍ജിയുടെ മരണ വാര്‍ത്ത പുറത്തുവന്നത്.

Read Also : മുന്‍ രാഷ്ട്രപതി പ്രണബ് കുമാര്‍ മുഖര്‍ജി അന്തരിച്ചു

നാല് ട്വീറ്റുകളിലായി നീണ്ട ആദരാഞ്ജലി കുറിപ്പാണ് പ്രധാനമന്ത്രി പോസ്റ്റ് ചെയ്തിരിക്കുന്നത്. ‘ഭാരത് രത്‌ന ശ്രീ പ്രണബ് മുഖർജിയുടെ നിര്യാണത്തിൽ ഇന്ത്യ ദുഖിക്കുന്നു. നമ്മുടെ രാജ്യത്തിന്റെ വികസന പാതയിൽ മായാത്ത മുദ്ര പതിപ്പിച്ചിട്ടാണ് അദ്ദേഹം പോയത്. ഒരു സമർഥനായ പണ്ഡിതനും മികച്ച രാഷ്ട്രതന്ത്രജ്ഞനുമായിരുന്ന അദ്ദേഹം സമൂഹത്തിലെ എല്ലാ തുറയിലുമുള്ള രാഷ്ട്രീയ മേഖലകളിലും ആദരിക്കപ്പെട്ടിരുന്നു. പതിറ്റാണ്ടുകൾ നീണ്ട രാഷ്ട്രീയ ജീവിതത്തിൽ, വിവിധ മന്ത്രാലയങ്ങളിൽ ശ്രീ പ്രണബ് മുഖർജി ദീർഘകാല സംഭാവനകൾ നൽകി. അദ്ദേഹം ഒരു മികച്ച പാർലമെന്റേറിയൻ ആയിരുന്നു, എല്ലായ്പ്പോഴും നന്നായി തയ്യാറായിരുന്നു, അങ്ങേയറ്റം വാചാലനായിരുന്നു. ഇന്ത്യയുടെ പ്രസിഡന്റ് എന്ന നിലയിൽ ശ്രീ പ്രണബ് മുഖർജി രാഷ്ട്രപതി ഭവനിനെ സാധാരണ പൗരന്മാർക്കും എത്തിപ്പെടാവുന്ന ഇടമാക്കി. അദ്ദേഹം രാഷ്ട്രപതി ഭവനത്തെ പഠനം, നവീകരണം, സംസ്കാരം, ശാസ്ത്രം, സാഹിത്യം എന്നിവയുടെ കേന്ദ്രമാക്കി മാറ്റി. സുപ്രധാനമായ നയപരമായ കാര്യങ്ങളിൽ അദ്ദേഹത്തിന്റെ ബുദ്ധിപരമായ ഉപദേശം ഞാൻ ഒരിക്കലും മറക്കില്ല. 2014 ൽ ഞാൻ ഡൽഹിയിൽ പുതിയവനായിരുന്നു. ആദ്യ ദിവസം മുതൽ ശ്രീ പ്രണബ് മുഖർജിയുടെ മാർഗനിർദേശവും പിന്തുണയും അനുഗ്രഹവും എനിക്ക് ലഭിച്ചു. അദ്ദേഹവുമായുള്ള എന്റെ ഇടപെടലുകൾ ഞാൻ എല്ലായ്പ്പോഴും വിലമതിക്കും. അദ്ദേഹത്തിന്റെ കുടുംബത്തിനും സുഹൃത്തുക്കൾക്കും ആരാധകർക്കും പിന്തുണക്കാർക്കും അനുശോചനം അറിയിക്കുന്നു. ഓം ശാന്തി.’- മോദി കുറിച്ചു.

Story Highlights – PM Narendra Modi condoles pranab mukharjee