തിരുവനന്തപുരം യൂത്ത് കോൺഗ്രസ് നേതാവ് ബിജെപിയിൽ

thiruvananthapuram youth congress bjp

തിരുവനന്തപുരം യൂത്ത് കോൺഗ്രസ് ജില്ലാ സെക്രട്ടറി എം മിഥുൻ ബിജെപിയിൽ ചേർന്നു. ബിജെപി ജില്ലാ പ്രസിഡൻ്റ് വിവി രാജേഷിൻ്റെ നേതൃത്വത്തിൽ മാരാർജി ഭവനിൽ വച്ച് ഷാൾ അണിയിച്ച് മിഥുനെ ബിജെപിയിലേക്ക് സ്വീകരിച്ചു. മറ്റ് ബിജെപി ജില്ലാ നേതാക്കളും ചടങ്ങിൽ പങ്കാളികളായി. വിവരം വിവി രാജേഷ് തൻ്റെ ഫേസ്ബുക്ക് പേജിൽ പങ്കുവച്ചു.

യൂത്ത് കോൺഗ്രസ്സ് തിരുവനന്തപുരം ജില്ലാ സെക്രട്ടറി M മിഥുൻ(ചിറയിൻകീഴ് നിയോജക മണ്ഡലം, മുദാക്കൽ പഞ്ചായത്ത്) ബി ജെ പി യിൽ എത്തുന്നു.

Posted by V.V. Rajesh on Friday, October 16, 2020

തിരുവനന്തപുരം ചിറയിൻകീഴ് നിയോജകമണ്ഡലത്തിലെ മുദാക്കൽ സ്വദേശിയാണ് മിഥുൻ. കോൺഗ്രസിൻ്റെ അവസാര വാദ രാഷ്ട്രീയത്തിലും സ്വജന പക്ഷപാതിത്വത്തിലും പ്രതിഷേധിച്ചാണ് മിഥുൻ ബിജെപിയുമായി ചേർന്ന് പ്രവർത്തിക്കാൻ തീരുമാനിച്ചതെന്ന് ബിജെപി തിരുവനന്തപുരം ജില്ലാ നേതൃത്വം പ്രതികരിച്ചു. അതേസമയം, സ്ത്രീവിഷയവുമായി ബന്ധപ്പെട്ട് പരാതി ലഭിച്ചതിനെ തുടർന്ന് ഇയാളെ ഇന്നലെ സസ്പെൻഡ് ചെയ്തിരുന്നു എന്നാണ് യൂത്ത് കോൺഗ്രസ് നേതൃത്വത്തിൻ്റെ വിശദീകരണം.

Story Highlights thiruvananthapuram youth congress leader in bjp

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top