Advertisement

മലപ്പുറത്ത് തദ്ദേശ തെരഞ്ഞടുപ്പ് വോട്ടർ പട്ടികയിൽ വ്യാപകമായ ക്രമക്കേടെന്ന് പരാതി

October 17, 2020
Google News 2 minutes Read

സിപിഐഎം ഭരിക്കുന്ന മലപ്പുറം നിറമരുതൂർ പഞ്ചായത്തിലെ വോട്ടർ പട്ടികയിൽ വ്യാപകമായ ക്രമക്കേടെന്ന് പരാതി. അനർഹരായ 130 പേരെ പട്ടികയിൽ ഉൾപ്പെടുത്തിയിട്ടുണ്ടെന്നാണ് ആരോപണം. സംഭവത്തിൽ തെരഞ്ഞെടുപ്പ് കമ്മീഷനും ജില്ലാ കളക്ടർക്കും പരാതി നൽകിയിരിക്കുകയാണ് പഞ്ചായത്തിലെ യുഡിഎഫ്.

നിറമരുതൂർ പഞ്ചായത്തിലെ 16,17 വാർഡുകളിലെ വോട്ടർ പട്ടികയിൽ അനർഹരായ വോട്ടർമാരെ ഉൾപ്പെടുത്തിയെന്നാണ് ആരോപണം. 20 വർഷം മുൻപ് ഈ വാർഡുകളിൽ നിന്ന് താമസം മാറിപ്പോയവർവരെ പട്ടികയിൽ ഉൾപ്പെട്ടിട്ടുണ്ട്. ഇതേ വാർഡിലെ യുഡിഎഫ് പ്രവർത്തകരെ രാഷ്ട്രീയ താൽപര്യം മുൻ നിർത്തി സെക്രട്ടറിയെ കൂട്ടുപിടിച്ച് ഒഴിവാക്കിയെന്നും യുഡിഎഫ് ആരോപിക്കുന്നു.

ഇതിന് പുറമേ ജനന തീയതി മറച്ച് വച്ച് പ്രായപരിധി താഴ്ത്തിയ 15 ഓളം പേരെ വോട്ടർ പട്ടികയിൽ ഉൾപ്പെടുത്തിയെന്ന ആരോപണവുമുണ്ട്.

അതേസമയം, പരാതി ശ്രദ്ധയിൽ പെട്ടിട്ടുണ്ടെന്നും നടപടി സ്വീകരിക്കുമെന്നും നിറമരുതൂർ പഞ്ചായത്ത് സെക്രട്ടറി അറയിച്ചു.

Story Highlights Complaint over widespread irregularities in Malappuram local body voter list

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here