കൊവിഡ് രോഗവ്യാപനത്തിന്റെ പ്രതിവാര വര്‍ധന അഞ്ച് ശതമാനമായി കുറഞ്ഞു: മുഖ്യമന്ത്രി

കൊവിഡ് രോഗവ്യാപനത്തിന്റെ പ്രതിവാര വര്‍ധന അഞ്ച് ശതമാനമായി കുറഞ്ഞതായി മുഖ്യമന്ത്രി പിണറായി വിജയന്‍. കേരളത്തില്‍ നിലവില്‍ കേസ് പെര്‍ മില്ല്യണ്‍ 12329 ആണ്. ദേശീയ ശരാശരി 5963 ആണ്. അതിന് അനുസൃതമായി ടെസ്റ്റുകളുടെ എണ്ണം വര്‍ധിപ്പിച്ചിട്ടുണ്ട്. 1,31,516 ആണ് കേരളത്തിലെ നിലവിലെ ടെസ്റ്റ് പെര്‍ മില്ല്യണ്‍. ഇന്ത്യന്‍ ശരാശരി 80,248 ആണ്. രോഗ വ്യാപനം കൂടിയിട്ടും കേരളത്തിലെ കേസ് ഫെര്‍ട്ടാലിറ്റി റേറ്റ് .34 ശതമാനമാണ്. ദേശീയ ശരാശരി 1.49 ആണെന്നും മുഖ്യമന്ത്രി പറഞ്ഞു. കൊവിഡ് 19 അവലോകന യോഗത്തിന് ശേഷം മാധ്യമങ്ങളെ കാണുകയായിരുന്നു മുഖ്യമന്ത്രി.

കേരളത്തില്‍ ഇതുവരെ മരണമടഞ്ഞവരില്‍ 94 ശതമാനവും മറ്റ് രോഗാവസ്ഥകള്‍ ഉള്ളവരായിരുന്നു. 72.3 ശതമാനം പേര്‍ 60 വയസിന് മുകളിലുള്ളവരായിരുന്നു. രോഗബാധിതര്‍ക്ക് ആവശ്യമായ ചികിത്സാ സംവിധാനം ഒരുക്കാനും അത് ഫലപ്രദമായ രീതിയില്‍ നടപ്പിലാക്കാനും സാധിച്ചതിനാലാണ് മരണ സംഖ്യ കുറച്ചുനിര്‍ത്താന്‍ കഴിയുന്നത്. ക്യൂമുലേറ്റീഡ് ഡബളിംഗ് റേറ്റ് നാല്‍പത് ദിവസമായി വര്‍ധിക്കുകയും ചെയ്തു. രോഗ വിമുക്തിയുടെ നിരക്കും കാര്യമായി വര്‍ധിച്ചിട്ടുണ്ടെന്നും മുഖ്യമന്ത്രി പറഞ്ഞു.

Story Highlights covid cases

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top