ശക്തമായ കാറ്റും മഴയും; കുമരകം- വെച്ചൂര്‍ റോഡില്‍ മരം ഒടിഞ്ഞു വീണു

ശക്തമായ കാറ്റില്‍ കോട്ടയത്തെ കുമരകം, ആര്‍പ്പൂക്കര, ആറ്റുചിറ ഭാഗങ്ങളില്‍ നാശനഷ്ടം. നിരവധിയിടങ്ങളില്‍ മരം കടപുഴകി വീണ് വീടുകള്‍ക്ക് കേടുപാടുണ്ടായി. കുമരകം- വെച്ചൂര്‍ റോഡില്‍ മരം ഒടിഞ്ഞു വീണതിനെ തുടര്‍ന്ന് ഗതാഗതം തടസപ്പെട്ടു.

Read Also : ശക്തമായ മഴയ്ക്ക് സാധ്യത: നാല് ജില്ലകളിൽ ഇന്ന് യെല്ലോ അലേർട്ട്

അതേസമയം കേരളത്തില്‍ അടുത്ത മണിക്കൂറുകളില്‍ മഴയ്ക്ക് സാധ്യതയെന്ന് കാലാവസ്ഥാ വകുപ്പ് പ്രവചിച്ചു. അടുത്ത 3 മണിക്കൂറില്‍ തിരുവനന്തപുരം, കൊല്ലം, ആലപ്പുഴ, പത്തനംതിട്ട, കോട്ടയം, ഇടുക്കി, എറണാകുളം, പാലക്കാട്, കോഴിക്കോട് , മലപ്പുറം എന്നീ ജില്ലകളില്‍ 40 കി മീ വരെ വേഗത്തില്‍ വീശിയടിച്ചേക്കാവുന്ന ശക്തമായ കാറ്റിനും ഇടിമിന്നലോട് കൂടിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

Story Highlights – climate, kerala