ഡല്ഹി ചലോ മാര്ച്ച്; അറസ്റ്റ് നീക്കവുമായി പൊലീസ്
ഡല്ഹി ചലോ മാര്ച്ചില് കര്ഷകരെ അറസ്റ്റ് ചെയ്ത് നീക്കാനുള്ള നടപടികളുമായി പൊലീസ്. അതിനിടയില് ഹരിയാന- ഡല്ഹി അതിര്ത്തിയില് വീണ്ടും സംഘര്ഷമുണ്ടായി. മാര്ച്ചിന് നേരെ വീണ്ടും പൊലീസ് കണ്ണീര് വാതകം പ്രയോഗിച്ചു. പ്രക്ഷോഭകരെ ഇന്നും ഡല്ഹിയില് പ്രവേശിപ്പിക്കില്ലെന്ന നിലപാടിലാണ് പൊലീസ്.
ഡല്ഹി ചലോ പ്രക്ഷോഭകരെ അടയ്ക്കാന് താല്ക്കാലിക ജയിലുകള് തുറക്കാന് നീക്കമുണ്ട്. ഒന്പത് സ്റ്റേഡിയങ്ങള് താത്കാലിക ജയിലുകളാക്കാന് ഡല്ഹി പൊലീസ് അനുമതി തേടി. ഡല്ഹി സര്ക്കാരിനോടാണ് ആവശ്യമുന്നയിച്ചത്.
പിരിഞ്ഞു പോകാന് പൊലീസ് ആവശ്യപ്പെട്ടെങ്കിലും കര്ഷകര് കൂട്ടാക്കിയില്ല. ഡല്ഹിയിലേക്കുള്ള വഴികള് അടച്ചിരിക്കുകയാണ്. കോണ്ക്രീറ്റ് സ്ലാബുകളും മുള്ളുവേലിയും കൊണ്ടാണ് പൊലീസ് അതിര്ത്തി അടച്ചിരിക്കുന്നത്. ഇന്നലെ കര്ഷകര് വിശ്രമിച്ചത് പാനിപത്തിലായിരുന്നു.
Story Highlights – delhi chalo march, farmers protest
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here