ആഷിഖി താരം രാഹുൽ റോയ് ​ഗുരുതരാവസ്ഥയിൽ

ബോളിവുഡ് താരം രാഹുൽ റോയ് ​ഗുരുതരാവസ്ഥയിൽ. 1990 ൽ മഹേഷ് ഭട്ട് നിർമിച്ച ഹിറ്റ് ചിത്രം ആഷിഖിയിലെ നടനാണ് രാഹുൽ റോയ്. എൽഎസി-ലിവ് ദ ബാറ്റിൽ ഇൻ കാർ​ഗിൽ എന്ന സിനിമയുടെ ചിത്രീകരണത്തിനിടെയാണ് മസ്തിഷ്കാഘാതത്തെ തുടർന്ന് 52 കാരനായ താരത്തെ ആശുപത്രിയിൽ പ്രവേശിപ്പിക്കുന്നത്.

കാർ​ഗിലിലായിരുന്നു ചിത്രീകരണം. പ്രദേശത്തെ പ്രതികൂല കാലാവസ്ഥയാണ് രാഹുലിന്റെ ആരോ​ഗ്യസ്ഥിതി വഷളാക്കിയതെന്നാണ് റിപ്പോർട്ട്. രാഹുലിനെ കാർ​ഗിലിൽ നിന്ന് ശ്രീന​ഗറിലേക്കും അവിടെ നിന്ന് നാനാവതി ആശുപത്രിയിലേക്കും മാറ്റി.

നിതിൻ കുമാർ ​ഗുപ്തയാണ് എൽഎസിയുടെ സംവിധായകൻ. ചിത്ര വകീൽ ശർമ, നിവേദിത ബാസു എന്നിവർ ചേർന്ന് നിർമിക്കുന്ന ചിത്രത്തിൽ നിഷാന്ത് സിം​ഗ് മൽഖാനിയാണ് കേന്ദ്ര കഥാപാത്രം കൈകാര്യം ചെയ്യുന്നത്. 17 ദിവസം നീണ്ടുനിൽക്കുന്ന ഷൂട്ടിം​ഗ് ഷെഡ്യൂൾ അവസാനിക്കാൻ രണ്ട് ദിവസം മാത്രം ബാക്കി നിൽക്കെയാണ് രാഹുൽ റോയ് ആശുപത്രിയിലാകുന്നത്.

Story Highlights – Aashiqui Star Rahul Roy Suffers Brain Stroke