ഉത്തരാഖണ്ഡ്​ മുഖ്യമന്ത്രി ത്രിവേന്ദ്ര സിം​ഗ്​ റാവത്തിന്​ കൊവിഡ്

ഉത്തരാഖണ്ഡ്​ മുഖ്യമന്ത്രി ത്രിവേന്ദ്ര സിം​ഗ്​ റാവത്തിന്​ കൊവിഡ് സ്ഥിരീകരിച്ചു. രോ​ഗവിവരം റാവത്ത് തന്നെയാണ് അദ്ദേഹത്തിന്റെ ട്വിറ്റർ അക്കൗണ്ടിലൂടെ അറിയിച്ചത്. രോ​ഗലക്ഷണൾ ഇല്ലെന്നും പൂർണ ആരോ​ഗ്യവാനാണെന്നും റാവത്ത് അറിയിച്ചു.

ഡോക്​ടർമാരുടെ നിർദേശ പ്രകാരം വീട്ടുനിരീക്ഷണത്തിൽ കഴിയുകയാണ്​ അദ്ദേഹം. കഴിഞ്ഞ കുറച്ചുദിവസങ്ങളിലായി താനുമായി അടുപ്പം പുലർത്തിയവർ നിരീക്ഷണത്തിൽ പോകണമെന്നും ലക്ഷണങ്ങൾ ​ഉണ്ടെങ്കിൽ കൊവിഡ് പരിശോധനയ്ക്ക്​ വിധേയമാകണമെന്നും അദ്ദേഹം പറഞ്ഞു. ​മുൻകരുതലിന്റെ ഭാഗമായി റാവത്ത്​ രണ്ടുതവണ നിരീക്ഷണത്തിൽ പോയിരുന്നു.