കേന്ദ്രസർക്കാർ പദ്ധതി പ്രകാരം വിധവകൾക്ക് 5 ലക്ഷം രൂപയും തയ്യൽ മെഷീനും ? പ്രചരിക്കുന്നത് വ്യാജം [24 Fact Check]

വിധവാ മഹിളാ സമൃദ്ധി പദ്ധതി പ്രകാരം വിധവകൾക്ക് 5 ലക്ഷം രൂപയും തയ്യൽ മെഷീനും ലഭിക്കുമെന്ന് പ്രചാരണം. ഒരു വിഡിയോയിലൂടെയാണ് ഈ വ്യാജ സന്ദേശം പ്രചരിക്കുന്നത്.

കേന്ദ്ര സർക്കാർ വിധവകൾക്കായി ഏർപ്പെടുത്തിയ പദ്ധതി എന്ന തരത്തിലാണ് വിഡിയോ സമൂഹമാധ്യമങ്ങളിൽ പ്രചരിക്കുന്നത്.

വിധവ മഹിളാ സമൃദ്ധി എന്ന പദ്ധതി പ്രകാരം 28 വയസ്സ് മുകളിൽ പ്രായമുള്ള വനിതകൾക്കാണ് ഈ പദ്ധതിയുടെ പ്രയോജനം ലഭിക്കുക എന്നും തുക ബാങ്ക് അകൗണ്ടിലേക്ക് ഇടുമെന്നുമാണ് സന്ദേശത്തിൽ പറയുന്നത് . സർകാരി അപ്ഡേറ്റ്സ് എന്ന യുട്യൂബ് ചാനലിലാണ് വിഡിയോ വന്നിരിക്കുന്നത്.

दावा: एक #Youtube वीडियो में दावा किया जा रहा है कि केंद्र सरकार ‘विधवा महिला समृद्धि योजना’ के तहत सभी विधवा महिलाओं के बैंक खाते में 5 लाख रुपये की नकद राशि एवं फ्री सिलाई मशीन दे रही है। #PIBFactcheck: यह दावा फर्जी है। केंद्र सरकार द्वारा ऐसी कोई योजना नहीं चलाई जा रही है। pic.twitter.com/hDplDHh9eb

— PIB Fact Check (@PIBFactCheck) December 10, 2020

എന്നാൽ കേന്ദ്ര സർക്കാർ നിലവിൽ ഇത്തരത്തിൽ ഒരു പദ്ധതിയും പ്രഖ്യാപിച്ചിട്ടില്ല. പ്രചരിക്കുന്ന ഈ വീഡിയോ വ്യാജമാണെന്ന് പ്രസ് ഇൻഫർമേഷൻ ബ്യൂറോ ട്വിറ്ററിലൂടെ അറിയിച്ചിട്ടുണ്ട്.