വി.ദിനകരന്റെ നിയമസഭാ പ്രസം​ഗങ്ങൾ പുസ്തകമാക്കി; പ്രകാശനം ചെയ്തത് മിസോറാം ​ഗവർണർ

മുൻ എംഎൽഎ വി.ദിനകരന്റെ നിയമസഭാ പ്രസം​ഗങ്ങൾ പുസ്തകമാക്കി പുറത്തിറക്കി. ഇന്ന് കൊച്ചിയിൽ നടന്ന ചടങ്ങിൽ മിസോറാം ​ഗവർണർ പിഎസ് ശ്രീധരൻ പിള്ളയാണ് പുസ്തകം പ്രകാശനം ചെയ്തത്. പൊളിറ്റിക്കൽ സയൻസ് വിദ്യാർത്ഥികൾക്ക് പുസ്തകം നല്ലൊരു കോശഗ്രന്ഥമായിരിക്കുമെന്ന് ചടങ്ങിൽ ​ശ്രീധരൻ പിള്ള പറഞ്ഞു.

നിയമസഭയിൽ അദ്ദേഹം നടത്തിയ തീപ്പൊരി പ്രസം​ഗങ്ങളാണ് പുസ്തക രൂപത്തിൽ മലയാളികളേക്ക് എത്തുന്നത്.

വി ദിനകരന്റെ പ്രസം​ഗങ്ങൾ ഏതൊരാൾക്കും ഒരു പാഠപുസ്തകമാണെന്ന് പുസ്തകത്തെ കുറിച്ച് പ്രതിപക്ഷ നേതാവ് രമേശ് ചെന്നിത്തല എഴുതി. അധസ്ഥിത വർ​ഗത്തിന്റെ തുടിപ്പും മിടിപ്പും ഈ പ്രസം​ഗങ്ങളിൽ ദർശിക്കാമെനന് ഉമ്മൻ ചാണ്ടിയും എഴുതി.

മുൻ മന്ത്രി കെ.വി തോമസ്, ഡൊമിനിക്ക് പ്രസന്റേഷൻ, മുൻ മേയർ സൗമിനി ജെയ്ൻ, മുൻ എംഎൽഎ എവി താമരാക്ഷൻ എന്നിവർ പുസ്തക പ്രകാശന ചടങ്ങിൽ പങ്കെടുത്തു.

സുനിൽ മാടപ്പള്ളിയാണ് പ്രസം​ഗങ്ങൾ പുസ്തക രൂപത്തിൽ പുറത്തിറക്കിയത്. സദ്ഭാവ ബുക്സാണ് പ്രസാധകർ.