സ്വർണക്കടത്ത് : തീവ്രവാദ പ്രവർത്തനത്തിന് തെളിവില്ലെന്ന് എൻഐഎ; എം.ശിവശങ്കരന്റെ പേര് കുറ്റപത്രത്തിലില്ല

സ്വർണക്കടത്തിലെ പണം രാജ്യവിരുദ്ധ പ്രവർത്തനത്തിന് ഉപയോഗിച്ചതായി പറയാതെ എൻഐഎ കുറ്റപത്രം. സ്വർണക്കടത്തിനപ്പുറമുള്ള തീവ്രവാദ പ്രവർത്തനം നടത്തിയതിന് കുറ്റപത്രത്തിൽ തെളിവില്ല. കള്ളക്കടത്ത് പണം രാജ്യ വിരുദ്ധ പ്രവർത്തനത്തിന് ഉപയോഗിച്ചതായും കണ്ടെത്താനായില്ല.

സ്വർണ്ണക്കടത്തിലൂടെ പ്രതികൾ രാജ്യത്തിന്‍റെ സാമ്പത്തിക ഭദ്രത തകർത്തെന്നാണ് എൻഐഎ പറയുന്നത്. സ്വപ്ന സുരേഷ് ഉള്‍പ്പെടെ 20 പ്രതികളാണ് കേസിലുള്ളത്. എം.ശിവശങ്കരന്റെ പേര് കുറ്റപത്രത്തിലില്ല.