ലാൻഡിംഗിനിടെ എയർ ഇന്ത്യ എക്‌സ്പ്രസ് വിമാനം ഇലക്ട്രിക് പോളിലിടിച്ചു

ലാൻഡിംഗിനിടെ എയർ ഇന്ത്യ എക്‌സ്പ്രസ് വിമാനം ഇലക്ട്രിക് പോളിലിടിച്ചു. ആന്ധ്രാ പ്രദേശിലെ വിജയവാഡയിലാണ് സംഭവം നടന്നത്.

64 പേരുമായി പറന്നിറങ്ങിയ വിമാനമാണ് ഇലക്ട്രിക് പോളിലിടിച്ചത്. എന്നാൽ യാത്രക്കാരും വിമാന ജീവനക്കാരും സുരക്ഷിതരാണെന്ന് വിജയവാഡ ഇന്റർനാഷണൽ എയർപോർട്ട് ഡയറക്ടർ ജി മധുസൂദനൻ റാവു പറഞ്ഞു.

വിമാനത്തിന്റേയും തകർന്ന നിലയിലുള്ള ഇലക്ട്രിക് പോളിന്റേയും ചിത്രം പുറത്തുവന്നിട്ടുണ്ട്. സംഭവത്തിൽ വിമാനത്താവള അധികൃതർ അന്വേഷണത്തിന് ഉത്തരവിട്ടിട്ടുണ്ട്.