ശ്രീദേവിയ്ക്ക് ശേഷം ഹിന്ദി സിനിമയിൽ കോമഡി കൈകാര്യം ചെയ്യുന്ന ഒരേയൊരു നടി താൻ മാത്രം; പ്രസ്താവനയുമായി കങ്കണ റണൗട്ട്

നടി ശ്രീദേവിയ്ക്ക് ശേഷം ഹിന്ദി സിനിമയിൽ കോമഡി കൈകാര്യം ചെയ്യുന്ന ഒരേയൊരു നടി താനാണെന്ന പ്രഖ്യാപനവുമായി നടി കങ്കണ റൗണൗട്ട് . തനു വെഡ്സ് മനു എന്ന ചിത്രം 10 വർഷം തികയുന്നത്തിന്റെ സാഹചര്യത്തിലാണ് സോഷ്യൽ മീഡിയയിലൂടെ കങ്കണയുടെ പുതിയ പ്രസ്താവന. കങ്കണയും മാധവനും പ്രധാന കഥാപാത്രങ്ങളെ അവതരിപ്പിച്ച ചിത്രമായിരുന്നു തനു വെഡ്സ് മനു. കങ്കണയുടെ കരിയറിൽ വഴിത്തിരിവ് ഉണ്ടാക്കിയ ചിത്രം കൂടിയാണിത്.

”പരുക്കൻ കഥാപാത്രങ്ങളിൽ മാത്രം ഞാൻ കുടുങ്ങികിടക്കുകയായിരുന്നു. ഈ സിനിമയിലെ കഥാപാത്രം എന്റെ കരിയറിൽ വഴിത്തിരിവുണ്ടാക്കി. മുഖ്യധാരാ സിനിമയിലേക്കുള്ള വഴിയൊരുക്കിയ ചിത്രങ്ങളിൽ പ്രധാനമായിരുന്നു ക്യുനും ദത്തുവും പിന്നെ തനു വെഡ്സ് മനുവും. ഈ ചിത്രങ്ങളിലൂടെ എന്റെ കോമഡി ടൈമിംഗ് കൃത്യമായി. ശ്രീദേവിക്ക്‌ ശേഷം സിനിമയിൽ കോമഡി ചെയ്യുന്ന ഏക നടി ഞാൻ മാത്രമാണ്.”

I was stuck in edgy/neurotic roles, this film changed the trajectory of my career, was my entry in to mainstream that too with comedy, with Queen and Datto I strengthened my comic timing and became the only actress after legendary SriDevi ji to do comedy #10yearsoftanuwedsmanu https://t.co/WMXgPdi781

— Kangana Ranaut (Modi Ka Parivar) (@KanganaTeam) February 25, 2021

ലോക സിനിമയിൽ തന്നെക്കാൾ മികച്ച നടി മറ്റാരുമില്ലെന്ന പ്രസ്താവനയുമായി നേരത്തെയും കങ്കണ രംഗത്ത് വന്നിരുന്നു. ഹോളിവുഡ് നടി മെറിൽ സ്ട്രിപ്പിനോടായിരുന്നു കങ്കണ അന്ന് ഉപമിച്ചിരുന്നത്.