Advertisement

തോക്ക് കൊണ്ടുള്ള ആക്രമണങ്ങൾ ഒരു മഹാമാരി; തടയാൻ നിയമം കൊണ്ടുവരുമെന്ന് ജോ ബൈഡൻ

April 9, 2021
Google News 2 minutes Read
Biden’s gun violence America

രാജ്യത്ത് ഗൺ വയലൻസിനെതിരെ നിയമം കൊണ്ടുവരുമെന്ന് അമേരിക്കൻ പ്രസിഡൻ്റ് ജോ ബൈഡൻ. തോക്ക് കൊണ്ടുള്ള ആക്രമണങ്ങൾ ഒരു മഹാമാരിയാണെന്ന് ബൈഡൻ പറഞ്ഞു. തോക്ക് കൊണ്ടുള്ള ആക്രമണങ്ങൾ ലോകരാഷ്ട്രങ്ങൾക്കിടയിൽ രാജ്യത്തിനു നാണക്കേടുണ്ടാക്കുന്നു എന്നും അദ്ദേഹം പറഞ്ഞു. മാരകായുധങ്ങളുടെ ഉപയോഗവും ലൈസൻസ് ഉള്ളവർ അത് ദുരുപയോഗം ചെയ്യുന്നത് തടയുമെന്നും അദ്ദേഹം പറഞ്ഞു. ആഴ്ചകൾക്കു മുൻപ് ജോർജിയയിലും കൊളറാഡോയിലും നടന്ന വെടിവെപ്പിൽ 18 പേർക്ക് ജീവൻ നഷ്ടമായിരുന്നു. ഇതിൻ്റെ പശ്ചാത്തലത്തിലാണ് ബൈഡൻ്റെ പ്രഖ്യാപനം.

അടുത്ത കാലത്തായി വ്യാപകമായിക്കൊണ്ടിരിക്കുന്ന ഘോസ്റ്റ് ഗൺസ് ആണ് ഇപ്പോൾ സർക്കാരിനു തലവേദന ആയിരിക്കുന്നത്. ഓൺലൈനായി ഗൺ നിർമിക്കാനുള്ള കിറ്റ് വാങ്ങി വീട്ടിൽ തന്നെ തോക്ക് നിർമ്മിക്കാൻ ഇപ്പോൾ സാധിക്കും. ലൈസൻസ് ഇല്ലാത്തതിനാൽ ഉടമയെ കണ്ടെത്താനും ബുദ്ധിമുട്ടാണ്.

32 കോടി ജനങ്ങൾക്ക് 39 കോടി തോക്ക് ആണ് അമേരിക്കയിൽ ഉള്ളത്. വർഷത്തിൽ ശരാശരി 40000 ആളുകളാണ് തോക്ക് കൊണ്ടുള്ള ആക്രമണത്തിൽ രാജ്യത്ത് മരണപ്പെടുന്നത്.

Story Highlights: Biden’s plan to curb gun violence in America

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here