ഗുജറാത്തിലെ ബറൂച്ചില്‍ ആശുപത്രിയില്‍ തീപിടുത്തം; 18 പേര്‍ മരിച്ചു

gujarat covid hospital fire

ഗുജറാത്തിലെ കൊവിഡ് ആശുപത്രിയില്‍ തീപിടുത്തം. പൊള്ളലേറ്റ് 18 പേര്‍ മരിച്ചു. പുലര്‍ച്ചെ ഒരു മണിയോടെയാണ് സംഭവം.

ബറൂച്ചിലെ പട്ടേല്‍ വെല്‍വെയര്‍ ആശുപത്രിയിലെ കൊവിഡ് കെയര്‍ സെന്ററിലാണ് തീപിടുത്തമുണ്ടായത്. നിരവധി പേര്‍ക്ക് പരുക്കേറ്റിട്ടുണ്ട്. പരുക്കേറ്റവരെ അടുത്തുള്ള ആശുപത്രികളില്‍ പ്രവേശിപ്പിച്ചു. ആകെ 50 പേരെ പ്രവേശിപ്പിച്ചിരിക്കുന്ന ആശുപത്രിയില്‍ 24 പേരാണ് ഐസിയുവില്‍ ഉണ്ടായിരുന്നത്.

ആ​ശു​പ​ത്രി​യു​ടെ തീ​വ്ര​പ​രി​ച​ര​ണ വി​ഭാ​ഗ​ത്തി​ലാ​ണ് തീ​പി​ടുത്ത​മു​ണ്ടാ​യ​ത്. നാ​ലു നി​ല കെ​ട്ടി​ട​ത്തി​ന്‍റെ താ​ഴ​ത്തെ നി​ല​യി​ലാ​ണ് തീ​ പടർന്ന​ത്. ഗുരുതരാവസ്ഥയിലുള്ള ഇരുപതോളം രോഗികൾ തീവ്രപരിചരണ വിഭാഗത്തിൽ ഉണ്ടായിരുന്നു. പൊള്ളലേറ്റും പുകശ്വസിച്ചുമാണ് ജീവനക്കാർക്കും രോഗികൾക്കും ദാരുണാന്ത്യം ഉണ്ടായത്. ആശുപത്രിയിൽ ചികിത്സയിൽ ഉണ്ടായിരുന്ന അ​മ്പ​തോ​ളം രോ​ഗി​ക​ളെ നാട്ടുകാരും അഗ്നിശമനസേനയും കൂടി രക്ഷപ്പെടുത്തി.

ഷോ​ർ​ട്ട് സ​ർ​ക്യൂ​ട്ടാ​ണ് തീ​പി​ടു​ത്ത​ത്തി​നു​ള്ള കാ​ര​ണ​മെ​ന്നാ​ണ് പ്രാ​ഥ​മി​ക നി​ഗ​മ​നം.സംഭവത്തിൽ
പ്രധാനമന്ത്രി നരേന്ദ്ര മോദി ദുഃഖം രേഖപ്പെടുത്തി. മുഖ്യമന്ത്രി വിജയ് രൂപാണി അന്വേഷണത്തിന് ഉത്തരവിട്ടു. മരിച്ചവരുടെ കുടുംബാംഗങ്ങൾക്ക് ഗുജറാത്ത് സർക്കാർ നാല് ലക്ഷം രൂപ ധനസഹായം പ്രഖ്യാപിച്ചു.

Story highlights: hospital fire, barutch, gujarat

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top