കനത്ത മഴ തുടരുന്നതിനാല് അരുവിക്കര ഡാമിന്റെ ഷട്ടറുകള് ഉയര്ത്തും
കനത്ത മഴ തുടരുന്നതിനാല് അരുവിക്കര ഡാമിന്റെ ഷട്ടറുകള് നിലവിലുള്ള 30 സെന്റീമീറ്ററില് നിന്ന് 100 സെന്റിമീറ്ററിലേക്ക് ഉയര്ത്തുമെന്നു ജില്ലാ കളക്ടര് അറിയിച്ചു.20 സെന്റിമീറ്റര് വീതം ഘട്ടംഘട്ടമായാകും ഉയര്ത്തുക. നിലവില് ഉയര്ത്തിയിട്ടുള്ള മൂന്നാമത്തെ ഷട്ടര് 60 സെന്റിമീറ്റര് വരെ ഉയര്ത്തിയശേഷമാകും രണ്ടാം ഷട്ടര് ഉയര്ത്തുക.
കനത്ത മഴയുടെ പശ്ചാത്തലത്തില് ജില്ലയില് നാളെ റെഡ് അലര്ട്ട് പ്രഖ്യാപിച്ചിരിക്കുകയാണ്. കാലാവസ്ഥാ മുന്നറിയിപ്പിന്റെ പശ്ചാത്തലത്തില് ജില്ലയില് എല്ലാ ജാഗ്രതാ നടപടികളും സ്വീകരിച്ചിട്ടുണ്ടെന്ന് കളക്ടര് അറിയിച്ചു. ന്യൂനമര്ദം ചുഴലിക്കാറ്റായി മറാന് സാധ്യതയുണ്ടെന്നാണു കാലാവസ്ഥാ നിരീക്ഷണ കേന്ദ്രത്തിന്റെ നിഗമനം. അതിനാല് തീരപ്രദേശങ്ങളിലുള്ളവര് അതീവ ജാഗ്രത പുലര്ത്തണമെന്ന് അറിയിച്ചിട്ടുണ്ട്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here