18
Jun 2021
Friday

ബോട്ടിൽ നിന്ന് തോക്ക് കണ്ടെത്തിയ സംഭവം; എൻഐഎ അന്വേഷിക്കും

gun boat NIA investigate

കൊച്ചിയിൽ ബോട്ടിൽ നിന്ന് തോക്ക് കണ്ടെത്തിയ സംഭവം എൻഐഎ അന്വേഷിക്കും. അഞ്ച് എകെ-47 തോക്കുകളും 1000 തിരകളുമാണ് ബോട്ടിൽ നിന്ന് പിടിച്ചെടുത്തത്. 6 ശ്രീലങ്കൻ സ്വദേശികളെ പ്രതി ചേർത്തുള്ള എഫ് ഐ ആർ കൊച്ചി എൻഐഎ കോടതിയിൽ സമർപ്പിച്ചു. ബോട്ടിൽ നിന്ന് 300 കിലോ ഹെറോയിൻ പിടികൂടിയ സംഭവത്തിൽ എൻസിബി അന്വേഷണം തുടരുകയാണ്.

അറബിക്കടലിൽ നിന്നും കഴിഞ്ഞ മാർച്ച് 27ന് ഇന്ത്യൻ തീരസംരക്ഷണ സേന നടത്തിയ പരിശോധനയിലാണ് വൻതോതിൽ ലഹരി വസ്‌തുക്കളും ആയുധങ്ങളും പിടികൂടിയത്. ബോട്ടിലുണ്ടായിരുന്ന ശ്രീലങ്കക്കാരായ എൽവൈ നന്ദന, ദാസ്സപ്പരിയ, ഗുണശേഖര, സേനാരത്, രണസിങ്കെ, നിശാങ്ക എന്നിവരാണ് അന്ന് പിടിയിലായത്.

ബോട്ടിലെ വാട്ടർ ടാങ്കിൽ 301 പാക്കറ്റുകളിലായി ഒളിപ്പിച്ച നിലയിലായിരുന്നു ഹെറോയിൻ. ഇറാനിൽ നിന്നും കപ്പൽ മാർഗം അറബിക്കടലിലെ ലക്ഷദ്വീപ് ഭാഗത്ത് എത്തിച്ച ഹെറോയിൻ ബോട്ടിൽ ലങ്കയിലേക്ക് കടത്തവെയാണ് തീരസംരക്ഷണ സേനയുടെ പിടിയിലായത്. പാക്കിസ്ഥാനിലെ തീവ്രവാദി സംഘങ്ങൾ ആയിരുന്നു ഹീറോയിൻ കടത്തിയതെന്ന് നേരത്തെതന്നെ നാവികസേന കണ്ടെത്തിയിരുന്നു.

Story Highlights: gun found from boat; NIA will investigate

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top