തന്റെ പേരിൽ വൻ പണപ്പിരിവ്; കെപിസിസിക്ക് പരാതിയുമായി ധർമജൻ ബോൾഗാട്ടി

തെരഞ്ഞെടുപ്പിന് മുമ്പ് ഒരു കെ.പി.സി.സി സെക്രട്ടറി തന്റെ പേരിൽ വൻ പണപിരിവ് നടത്തിയതായി ബാലുശേരിയിലെ കോൺഗ്രസ് സ്ഥാനാർഥിയായ ധർമജൻ ബോൾഗാട്ടി. ഈ പണം നേതാക്കളടക്കം തട്ടിയെടുത്തു. ഇതിന് തെളിവുണ്ടെന്നും ധർമജൻ പറഞ്ഞു.

തനിക്കെതിരെ ചില നേതാക്കൾ പ്രവർത്തിച്ചു. ഈ കാര്യങ്ങൾ ചൂണ്ടിക്കാട്ടി കോൺഗ്രസ് നേതൃത്വത്തിന് പരാതി നൽകി. തന്നെ തോൽപ്പിച്ചത് സംഘടനാപരമായ വീഴ്ച്ചയാണെന്ന് ധർമജൻ ആരോപിക്കുന്നു.

ബാലുശ്ശേരിയിൽ ഭൂരിപക്ഷം കിട്ടേണ്ട പഞ്ചായത്തുകളുണ്ടായിരുന്നു. എന്നാൽ അവിടെ പോലും കോൺഗ്രസ് പിന്നിലായി എന്നും അദ്ദേഹം ആരോപിച്ചു. ഈ വോട്ടുകൾ കിട്ടാത്തതിന് കാരണം സംഘടനാപരമായ വീഴ്ച്ചയാണ്. ഇത് ചൂണ്ടിക്കാണിച്ച് നേരത്തെ കെപിസിസി പ്രസിഡന്റ് മുല്ലപ്പള്ളി രാമചന്ദ്രന് പരാതി നൽകിയിരുന്നു. ഇതിനു പിന്നാലെയാണ് പണപ്പിരിവ് ആരോപണം.