23
Jun 2021
Wednesday

കൊവിഡ് പ്രതിരോധ പ്രവർത്തനത്തിന് ഊർജം പകർന്ന് പി.ജെ ജോസഫ് എംഎൽഎയുടെ ഡയറി ഫാം

തൊടുപുഴയിലെ കൊവിഡ് പ്രതിരോധ പ്രവർത്തനത്തിന് ഊർജം പകരുകയാണ് പി.ജെ ജോസഫ് എംഎൽഎയുടെ ഡയറി ഫാം. കൊവിഡ് കാലത്ത് സാമൂഹിക അടുക്കളകളിലേക്ക് തന്റെ ഫാമിൽ നിന്ന് ദിവസേന 60 ലിറ്റർ പാലാണ് എംഎൽഎ സൗജന്യമായി നൽകുന്നത്. മുന്നൂറോളം പശുക്കളാണ് പി.ജെ ജോസഫിന്റെ ഫാമിലുള്ളത്. ഇവിടെ നിന്ന് ലഭിക്കുന്ന പാലിൽ 60 ലിറ്റർ തന്റെ മണ്ഡലത്തിലെ സാമൂഹ്യ അടുക്കളകളിലേക്ക് നിത്യവും നൽകും.

ഒൻപത് സാമൂഹ്യ അടുക്കളകളാണ് തൊടുപുഴയിൽ ഉള്ളത്. ഇവ നടത്തുന്നതിനുള്ള പ്രതിദിന ചെലവ് വെല്ലുവിളി ആയതോടെയാണ് എംഎൽഎയുടെ ഇടപെടൽ. തൊടുപുഴയ്ക്ക് അടുത്തുള്ള പാൽ കമ്പനിയിലേക്കാണ് ഫാമിൽ നിന്ന് പാൽ നൽകിയിരുന്നത്. എന്നാൽ ഇനി കൊവിഡ് പ്രതിസന്ധി അവസാനിക്കുന്നത് വരെ സാമൂഹ്യ അടുക്കളയിലേക്കുള്ള പാൽവിതരണം മുടങ്ങില്ലെന്ന് എംഎൽഎ പറയുന്നു.

കേരളാ കോൺഗ്രസ് യുവജന വിഭാഗവു ഗാന്ധി സ്റ്റഡി സെന്ററും സംയുക്തമായാണ് എംഎൽഎയുടെ കൊവിഡ് പ്രവർത്തനങ്ങൾക്ക് നേതൃത്വം നൽകുന്നത്.

Story Highlights: pj joseph

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top