മെഡിക്കൽ ഓക്സിജൻ കരിഞ്ചന്തയിൽ വിൽക്കുന്നവരെ പിടികൂടി ക്രൈം ബ്രാഞ്ച്

ബംഗളൂരുവിൽ ഓക്‌സിജൻ സിലിണ്ടറുകൾ കരിഞ്ചന്തയിൽ വിൽപ്പന നടത്തുന്ന സംഘത്തെ ക്രൈംബ്രാഞ്ച് പിടികൂടി. ബംഗളൂരുവിലെ വിവിധയിടങ്ങൾ കേന്ദ്രീകരിച്ച് വിൽപ്പന നടത്തിയിരുന്ന സംഘമാണ് അറസ്റ്റിലായത്. വിൽപ്പനയ്ക്കായി സൂക്ഷിച്ചിരുന്ന സിലിണ്ടറുകളും പൊലീസ് കണ്ടെടുത്തു

ഓക്സിജൻ കരിഞ്ചന്തകൾ വ്യാപകമായതിനെ തുടർന്ന് ബംഗളൂരു ക്രൈം ബ്രാഞ്ച് അന്വേഷണം ഊർജിതമാക്കിയിരുന്നു. 300 രൂപ മുതൽ വിലവരുന്ന സിലിണ്ടറുകൾക്ക് 3000 രൂപ വരെ ഈടാക്കിയാണ് കരിഞ്ചന്തയിൽ വിൽക്കുന്നത്. കൊവിഡിന്റെ രണ്ടാം തരംഗം തുടങ്ങിയത് മുതൽ നിരവധി ഓക്‌സിജൻ കരിഞ്ചന്ത വില്പനക്കാരെയാണ് ബംഗളൂരു പൊലീസ് പിടികൂടിയത്. രാജ്യത്തിന്റെ വിവിധയിടങ്ങളിൽ ഓക്‌സിജൻ ക്ഷാമം രൂക്ഷമാണ്.

Story Highlights: medical oxygen black market