കൊവിഡ് മൂലം അച്ഛനും അമ്മയും നഷ്ടപ്പെടുന്ന കുട്ടികളെ സർക്കാർ സംരക്ഷിക്കും : മുഖ്യമന്ത്രി

കൊവിഡ് മൂലം അച്ഛനും അമ്മയും നഷ്ടപ്പെടുന്ന കുട്ടികളെ സർക്കാർ സംരക്ഷിക്കുമെന്ന് മുഖ്യമന്ത്രി പിണറായി വിജയൻ. ഇന്ന് നടത്തിയ വാർത്താ സമ്മേളനത്തിലാണ് ഇക്കാര്യം പറഞ്ഞത്.

കൊവിഡ് ബാധിച്ച് അമ്മയും അച്ഛനും നഷ്ടപ്പെട്ട കുട്ടികൾ വല്ലാത്ത അനിശ്ചിതത്വത്തിലാകും. അത്തരം കുട്ടികളെ സർക്കാർ സംരക്ഷിക്കും. ഇതിന്റെ കൂടുതൽ വിശദാംശങ്ങൾ കൂടിയാലോചനയ്ക്ക് ശേഷം അറിയിക്കും.

സംസ്ഥാനത്ത് രോ​ഗവ്യാപനത്തിൽ നേരിയ കുറവ് രേഖപ്പെടുത്തുന്നുണ്ടെങ്കിലും മരണനിരക്ക് ഉയരുകയാണ്. കഴിഞ്ഞ ദിവസങ്ങളിലുണ്ടായ 196 മരണങ്ങളാണ് കൊവിഡ് മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 7554 ആയി.

Story Highlights: coronavirus