ലക്ഷദ്വീപ് അഡ്മിനിസ്‌ട്രേറ്ററെ തിരിച്ചു വിളിക്കണം: രാഷ്ട്രപതിക്ക് രമേശ് ചെന്നിത്തലയുടെ കത്ത്

ലക്ഷദ്വീപ് അഡ്മിനിസ്ട്രേറ്ററെ തിരിച്ചുവിളിക്കണമെന്ന് ആവശ്യപ്പെട്ട് കോൺഗ്രസ് നേതാവ് രമേശ് ചെന്നിത്തല രാഷ്ട്രപതിക്ക് കത്തയച്ചു. അഡ്മിനിസ്ട്രേറ്റർ നടപടി ഒരിക്കലും അംഗീകരിക്കാൻ കഴിയില്ല. അദ്ദേഹത്തിന്റെ പ്രവർത്തനങ്ങൾ സാമൂഹ്യസാഹചര്യത്തെ തകർക്കുന്നതായും രമേശ് ചെന്നിത്തല കുറ്റപ്പെടുത്തി.

വിഷയത്തിൽ കേന്ദ്ര ഗവൺമെന്റും രാഷ്ട്രപതിയും ഇടപെടണം. ജന വികാരം പൂർണ്ണമായും മാനിക്കാൻ രാഷ്ട്രപതിയും കേന്ദ്ര ഗവൺമെന്റും തയ്യാറാകണം. ജനങ്ങളുടെ ആവശ്യത്തെ അംഗീകരിക്കണമെന്നും രമേശ് ചെന്നിത്തല ആവശ്യപ്പെട്ടു.