കോൺഗ്രസിൽ അഴിച്ചുപണി; ഡിസിസികളെ പുനസംഘടിപ്പിക്കാൻ എഐസിസി തീരുമാനം

കേരളത്തിലെ മുഴുവൻ ഡിസിസികളെയും പുനസംഘടിപ്പിക്കാൻ എഐസിസി തീരുമാനം. എല്ലാ ഡിസിസി പ്രസിഡന്റുമാരെയും മാറ്റും. യുവാക്കൾക്ക് പ്രാമുഖ്യം കൊടുക്കാനുള്ള നീക്കമാണെന്നാണ് സൂചന.

കെപിസിസി അധ്യക്ഷ സ്ഥാനത്തേക്കും യുഡിഎഫ് കൺവീനർ സ്ഥാനത്തേക്കും പുതിയ ആളുകൾ വരും. അതേസമയം രാജി സന്നദ്ധത അറിയിച്ച ഡിസിസി പ്രസിഡന്റുമാരോട് തത്ക്കാലം തുടരാനാണ് നിർദേശം നൽകിയിരിക്കുന്നത്. നിയമസഭാ തെരഞ്ഞെടുപ്പ് പരാജയത്തിൽ ജില്ലാ ഘടകങ്ങൾക്ക് ഉൾപ്പെടെ പങ്കുണ്ടെന്ന് കേരളത്തിന്റെ ചുമതലയുള്ള താരിഖ് അൻവർ എഐസിസിക്ക് നൽകിയ റിപ്പോർട്ടിൽ പരാമർശിച്ചിരുന്നു. ഈ വിലയിരുത്തലിലാണ് ഡിസിസികൾ പുനസംഘടിപ്പിക്കാനുള്ള നീക്കത്തിലേക്ക് എഐസിസി എത്താൻ കാരണം. താഴേത്തട്ട് മുതൽ അഴിച്ചുപണികളുണ്ടാകും.

Story Highlights: dcc will be rearranged