ജെഫ് ബെസോസ് ആമസോൺ സി.ഇ.ഒ. സ്ഥാനമൊഴിയുന്നു
ലോകത്തിലെ ഏറ്റവും വലിയ ഇകൊമേഴ്സ് സംരംഭകമായ ആമസോൺ സ്ഥാപകൻ ജെഫ് ബെസോസ് സി.ഇ.ഒ. സ്ഥാനമൊഴിയുന്നു. സ്ഥാപനത്തിൻെറ എക്സിക്യൂട്ടിവ് ചെയര്മാൻ എന്ന പദവിയാണ് ജെഫ് ബെസോസ് വഹിയ്ക്കുക. ഒരു ഇന്റർനെറ്റ് ബുക്ക് സ്റ്റോറിൽ തുടങ്ങി ലോകമെങ്ങും പടർന്ന വ്യവസായ സാമ്രാജ്യമായി ആമസോണിനെ വളർത്തിയ ബെസോസ് ആൻഡി ജെയ്സിക്കാണ് സ്ഥാനം കൈമാറുന്നത്.
“എനിക്കൊരു വൈകാരിക ബന്ധമുള്ളതിനാലാണ് ഞങ്ങൾ ആ തീയതി തെരെഞ്ഞെടുത്തത്,” ബെസോസ് ബുധനാഴ്ച ഒരു ആമസോൺ ഷെയർഹോൾഡർ മീറ്റിംഗിൽ പറഞ്ഞു. 1994 ൽ ആ തീയതിയിൽ കൃത്യമായി 27 വർഷം മുമ്പാണ് ആമസോൺ സ്ഥാപിക്കപ്പെട്ടതെന്ന് അദ്ദേഹം വിശദീകരിച്ചു.
ഫെബ്രുവരിയിൽ ബെസോസ് സി.ഇ.ഒ. സ്ഥാനം രാജിവെക്കുന്നുവെന്ന് സിയാറ്റിൽ ആസ്ഥാനമായുള്ള ആമസോൺ.കോം അറിയിച്ചിരുന്നു , പക്ഷേ ഒരു നിർദ്ദിഷ്ട തീയതി നൽകിയില്ല. പകരക്കാരനായ ജാസി നിലവിൽ കമ്പനിയുടെ വെബ് സര്വീസസ് വിഭാഗം മേധാവിയാണ്.
വീഡിയോ സ്ട്രീമിംഗ് സേവനം കൂടുതൽ ഷോകളും സിനിമകളും കൊണ്ട് നിറയ്ക്കുമെന്ന പ്രതീക്ഷയോടെ 8.45 ബില്യൺ ഡോളറിന് ഹോളിവുഡ് സ്റ്റുഡിയോ എം.ജി.എം. സ്റ്റുഡിയോ വാങ്ങുമെന്ന് ആമസോൺ ബുധനാഴ്ച പ്രഖ്യാപിച്ചിരുന്നു.
ലോകമെമ്പാടുമുള്ള ഓൺലൈൻ വിൽപന കൊവിഡ് ലോക്ക് ഡൗൺ കാലത്ത് കുതിച്ചുയര്ന്നപ്പോൾ ആമസോൺ ലാഭം 720 കോടി ഡോളറായും വരുമാനം 44 ശതമാനം ഉയർന്ന് 1256 കോടി ഡോളറിൽ ഏറെയായും മാറിയിരുന്നു.
പ്രധാനപ്പെട്ട ആമസോൺ പ്രവര്ത്തനങ്ങളിൽ സജീവമായിരിക്കുമെന്നും, ജീവകാരുണ്യ പ്രവര്ത്തനങ്ങളിലും മറ്റ് ബിസിനസുകളിലും ശ്രദ്ധ കേന്ദ്രീകരിയ്ക്കുമെന്നും ആമസോൺ ജീവനക്കാർക്ക് അയച്ച കത്തിൽ ജെഫ് ബെസോസ് പറയുന്നു. ദ വാഷിങ്ടൺ പോസ്റ്റ് എന്ന പത്രവും സ്വകാര്യ സ്പേസ് കമ്പനി ബ്ലൂ ഒറിജിൻ എന്ന സ്ഥാപനങ്ങളും ആമസോൺ കൂടാതെ അദ്ദേഹത്തിൻറ ഉടമസ്ഥതയിൽ ഉണ്ട്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here