25
Jun 2021
Friday

അതിരപ്പള്ളി പദ്ധതി; സമവായമുണ്ടാക്കുമെന്ന വൈദ്യുതി മന്ത്രിയുടെ പ്രസ്താവനയിൽ ആശങ്ക; വി ഡി സതീശൻ

അതിരപ്പള്ളി പദ്ധതി സംബന്ധിച്ച് സമവായമുണ്ടാക്കുമെന്ന വൈദ്യുതി മന്ത്രി കെ കൃഷ്ണൻകുട്ടിയുടെ പ്രസ്താവന ആശങ്ക ഉണ്ടാക്കുന്നതാണെന്ന് പ്രതിപക്ഷ നേതാവ് വി ഡി സതീശൻ. ജനം സർക്കാരിനെ വലിയ ഭൂരിപക്ഷത്തിൽ ജയിപ്പിച്ചത് അവരുടെ അഭിപ്രായം ശ്രദ്ധയോടെയും നിഷ്പക്ഷമായും കേൾക്കുന്നതിനാണ്. മുഖ്യമന്ത്രിയിൽ നിന്നും വൈദ്യുതി മന്ത്രിയിൽ നിന്നും ഉജിതമായ തീരുമാനം പ്രതീക്ഷിക്കുന്നതായും അദ്ദേഹം പറഞ്ഞു.

സംസ്ഥാനം വിവിധ പ്രശ്‌നങ്ങളിലൂടെയാണ് കടന്ന് പോകുന്നത്. ഇപ്പോൾ വൻ ജലവൈദ്യുത പദ്ധതികളല്ല വേണ്ടത്. പരിസ്ഥിതിയെ മാറ്റി മറിച്ചുകൊണ്ടുള്ള വൻകിട പദ്ധതി കേരളത്തിൻറെ പരിസ്ഥിതി താങ്ങില്ല. ഇപ്പോൾ കടൽകയറിയും പുഴകൾ കരകവിഞ്ഞും മലകളിടിഞ്ഞും പ്രകൃതി തിരിച്ചടിക്കുന്നത് ഏറ്റുവാങ്ങുകയാണ് കേരളമെന്നും പ്രതിപക്ഷനേതാവ് പറഞ്ഞു.

അതിരപ്പള്ളി പദ്ധതി വേണ്ട എന്നതുതന്നെയാണ് യുഡിഎഫിന്റെ നിലപാട്. ഇതേ നിലപാടായിരിക്കും യുഡിഎഫ് ഇക്കാര്യത്തിൽ തുടർന്നും സ്വീകരിക്കുകയെന്ന് പ്രതിപക്ഷ നേതാവ് പ്രസ്താവനയിൽ അറിയിച്ചു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top